Charter Document - 04040182
| Charter Number: | 04040182 |
|---|---|
| Cartulary Title: | St. Gallen, Stiftsarchiv |
| Charter Language: | German |
| Charter Origin: | Lay |
| Charter Type(s): | Confirmation |
| Date: | 1298 |
| Date type: | Internal, A.D., Feast |
| Resource Link(s): |
Monasterium.net |
Charter:
Ich Albreht der amman von Chempthun tun kunt vnde vergihe an disem briefe allen die in sehent oder horent lesen daz min herre abbet Willehelme von gottes genaden ze sante Gallen mir vnde Frideriche dem amman von Rauenspurch got helfe der sele schuldig waz hvndert marke silbers Lindoware gewages von vnsers herren wegen abbet Cvonrates wegen von gottes genaden dez gotteshuses ze Chempthvn daz ich Albreht der vorgenante amman von Chempthun vnde Friderich der vorgenante amman von Ravenspurch der vorgenanten hvndert marke silbers geweret sigint dez vergehint wir an disem briefe vnde daz ez ware sige vmbe daz daz wir von vnserem abbet Willehelme gewert sigint der dikke genemten hundert marke so gibe ich Albreht der amman von Chempthun vnserem herren abbet Willehelme ze sante Gallen disen brief besigelten mit minem insigel ze ainem waren vrkunde Dise brief wart gegeben ze Lindowe in dem jare do man zalte von gottes geburte zwelf hvndert vnde ninzech jare vnde in dem ahtoden jare an sante Othmares tage ind XII