Charter Document - 04040178
| Charter Number: | 04040178 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1286 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus presentium inspectoribus Wil dei gratia abbas monasterii sancti Galli necnon Volr comes de Monteforti noticiam subscriptorum Confitemur presentibus publice protestando Merie Judee de Lindaugia in triginta marcis argenti puri et legalis ponderis Lindaug[iensis] nos teneri pro quibus eidem Judee constituimus fideiussores infrascriptos videlicet Volr Wiman Hermannum Sender Volr Rienoldum Alber Strubin Karolum Gaizzorn Volr Rasorem cives Lindaug[ienses] et dictum Hilfilin de Brigantia ita si eandem pecuniam in festo beati Viti proximo venture non persolverimus ex tunc ipsi fideiussores data fide nomine iuramenti se apud Lindaugiam super nostrum dampnum ammonitione premissa tenentur recipere in obstagium inde non recessuri quousque predicte Judee tam de XXX maris predictis quam de usura que a proximo festo beati Viti transacto sex denariis singulis septimanis de qualibet marca computatis fideiussoribus predictis in obstagio sive non commorantibus accreverit per nos fuerit plenarie satisfactum Insuper si aliquem predictorum fideiussorum de medio revellet interitus alium ydoneum infra mensem constituere tenemur quod si non fecerimus reliqui se recipiant in obstagium donec alium in vicem illius locaverimus penitus sine dolo hoc etiam adiecto quod si aliquis predictorum fideiussorum in alio obstagio ante ammonitionem fuerit occupatus alium equivalentem loco sui subrogare tenetur ex legittima pactione In huius rei testimonium presens instrumentum sigillorum nostrorum munimine memorate Judee dedimus communitum Dat anno domini MCCLXXXVI V kal octobris indic XV