Charter Document - 04040177

Ubertus Anno a nativitate domini millesimo ducentesimo tricesimo nono indic duodecima die mercurii vicesimo septimo mensis septenb in presentia testium infrascriptorum Paulus Soguatarius civis Romanus procurator Bobonis Johannis Bobonis civis Romani prout in litteris continebatur munitis sigillo venerabilis patris domini Richardi sancti Angeli diaconi cardinalis fuit confessus se nomine dicti Bobonis et sociorum eius habuisse ac recepisse integram solutionem a Radulfo Basiliensis ecclesie canonico et Radulfo dispensatore monasterii sancti Galli Constantiensis diocesis solventibus pro abbate ipsius monasterii et pro monasterio ipso de ducentis octoginta et quatuor marcis bonorum novorum et legalium sterlingorum tredecim soldis et quatuor sterlingis pro unaquaque marca computatis quam summam sterlingorum dictum monasterium debebat ipsi Boboni per conpositionem factam coram cardinali predicto prout continebatur in instrumento publico de ipsa conpositione confecto per manum Richardi imperialis aule scriniarii in anno incarnationis Christi millesimo ducentesimo tricesimo nono pontificatus domini Gregorii pape noni anno duodecimo mense ianuarii die VII indic duodecima Unde ipse Paulus procuratorio nomine habens mandatum faciendi finem et refutationem super hiis prout in dictis litteris procurationis continebatur nomine ipsius Bobonis et sociorum renuntians exceptioni non numerate et non recepte pecunie atque non facte solutionis fecit de predicto debito pacem finem remissionem refutationem et absolutionem et pactum de non petendo in perpetuum dictis Radulfo et Radulfo recipientibus nomine et vice dictorum abbatis et monasterii sancti Galli promittens nomine procuratorio quod dictus Bobo vel aliquis ex sociis eius decetero pro dicto debito vel eius occasione dictum abbatem vel dictum monasterium vel aliquid de rebus eorum per se vel per alium non inpediet nec appellabit et fuit confessus ipse Paulus se nomine procuratorio dictis Radulfo et Radulfo recipientibus pro dicto abbate et pro dicto monasterio reddidisse instrumentum predictum de dicta conpositione et dictas litteras procuratorias et omnes alias litteras et omnia alia instrumenta que habuerat pro pecunia supradicta volens et concedens nomine procuratorio quod omnes littere et omnia instrumenta que confecta fuerunt hinc retro pro dicta pecunia vel eius occasione decetero cassa sint et inutilia nulliusque valoris ita quod aliquo tempore dictis abbati et monasterio vel rebus eorum aliquo modo nocere non possint et voluit utraque pars quod in testimonium predictorum et ad maiorem fidem faciendam sigillum curie Trecensis huic instrumento apponeretur Actum fuit hoc apud Trecas in domo Gauteri camerarii condam ecclesie sancti Stephani interfuerunt testes ad hec vocati et rogati Marcus et Stephanus canonici beati Lupi Trecen[sis] magister Felicius Trecensis et magister Guill de Fussiacco et castellanus Guardadei civis Senensis Et ego Vbertus de Mercato notarius palatinus et civis Astensis interfui et rogatus sic scripsi