Charter Document - 04040172
| Charter Number: | 04040172 |
|---|---|
| Cartulary Title: | St. Gallen, Stiftsarchiv |
| Charter Language: | German |
| Charter Origin: | Lay |
| Charter Type(s): | Grant |
| Date: | 1290 |
| Date type: | Internal |
| Resource Link(s): |
Monasterium.net |
Charter:
Ich her Berchtold ein ritter von Ramstein von vrer hant geborn tuon daz kunt an diseme briefe daz ich willichlich vnde vrylich han vfgegeben dem gvoten sant Gallen alle die lvite die sich gebunden hant mitt der ee vnde si gemacht hant ze sant Gallen lvite von wybes namen die min eigen waren Vnde daz dise getaat gescach duo was von der gubvrt vnsers herren tvisent iar zweihundert iar vnde nvinzig iar Vnde darunbe daz ez nv vnde harnach steete bilybe so bewarn ich disen brief mitte minem eigen ingesigel