Charter Document - 04040164
| Charter Number: | 04040164 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1299 |
| Date type: | Internal, A.D., Calendar |
| Resource Link(s): |
Monasterium.net |
Charter:
Wilh dei gratia abbas monasterii sancti Galli omnibus intuentibus presens scriptum salutem in domino et noticiam subscriptorum [Ex]pedit gesta rerum litterarum commendare memoriis ne oblivionis caligine obfuscentur Notum igitur fieri cupi[mu]s universis quod cum inter nos ex una ac Albertum de Vrinchon super possessione quorundam hominum videlicet Adelh [di]cte Betschenerin Johannis eiusdem filii Adelh et Gerdrudis ipsius sororibus quedam controversia et questio [verteretu]r per compositionem amicabilem diffinitiva determinatio huiusmodi intervenit quod idem Albertus receptis ab eisdem [hominibu]s sex libris denariorum iuri suo ac omni proprietate sibi in dictis hominibus si quod sibi quomodo libet competere videbatur [renunciavit] resignando ipsos ad manus nostras ipsosque absolutos libere tradidit nobis nostroque monasterio ac donavit [ea ratione ut] memoratorum hominum quilibet pro tempore vite sue singulis annis unum fertonem piperis in recognicionem []e ac nomine census nostre abbatie assignare debent quod in se voluntarie statuerunt ac post eorundem dece[ssu]m unicuique in hereditatibus mortuariis aliisque quibuscumque iuribus debemus succedere quemadmodum ius et consuetudo circa alios nostri monasterii homines inviolabiliter approbata exigit et requirit adhibitis in hiis sollempnitatibus iuris verborum et gestuum debitis et consuetis Ne autem premissorum aliquid possit aliqualiter irritari renunciavit dictus Albertus exceptionibus doli mali non numerate pecunie non tradite non solute beneficio restitutionis in integrum deceptionis ultra dimidiam iusti precii ac generaliter et in specie omnibus per que premissorum aliquid violari posset [se]u etiam impediri Et in horum evidentiam sigillum nostrum duximus present[ibus] appendendum Ego Albertus prenotatus confiteor [om]nia et singula premissa prout notata sunt fore vera et in evidentiam eorundem sigillum proprium duxi present[ibus] [a]ppendendum Dat apud sanctum Gallum anno domini MCCXCIXXIII kl febr indict XII presentibus domino Volr dicto Giel domino Eber de Bichelnse domino Egel de Rosinberch Chvonr ministro oppidi sancti Galli Johanne Dispensatore Gerwico Bawaro R Sculteto et aliis quam pluribus testibus fide dignis ad hec vocatis et rogatis