Charter Document - 04040163
| Charter Number: | 04040163 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1298 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Cvonradus dei gratia abbas totusque conventus monasterii Campidonensis tenore presentium recognoscimus et constare volumus universis quod venerabilis dominus Willehelmus abbas monasterii sancti Galli nobis et nostro monasterio centum marcas argenti in quibus nobis ratione compositionis inter ipsum et nos abbatem Cvonradum amicabiliter celebrate super causa que inter nos et ipsum movebatur tenebatur astrictus integraliter dinoscitur persolvisse presertim cum discreti viri [] minister in Rauenspurc et Alber minister Campidonensis qui nostro et nostri monasterii nomine dictam peccuniam receperunt nobis eam noscantur integraliter assignasse Unde presentibus resignamus immo renunciamus omni actioni exceptioni omnique iuris auxilio canonici et civilis omnibusque litteris que nobis competere possent contra supradictum dominum abbatem aut monasterium sancti Galli ratione supradicte peccunie non solute In cuius rei testimonium presentibus sigilla nostra duximus appendenda Dat Campidone anno domini MCCXCVIII VII kaln novembr ind XI