Charter Document - 04040121
| Charter Number: | 04040121 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1093 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia tertius Romanorum imperator augustus + Omnibus Christi nostrique fidelibus tam futuris quam presentibus notum sit qualiter nos pro utriusque vite remedio quia peregrinam vitam huius conversationis brevem et quasi momentaneam existere et in se per cottidiana detrimenta deficere cognoscimus dum pro petitione Ovdalrici patriarche dilectissimi consanguinei nostri dum ob interventum fidelium nostrorum videlicet Meginwardi Frisingensis episcopi Dieboldi marchionis Werinheri marchionis Burchardi marchionis Heinrici de Houerdorf Burchardi fratris Burchardi marchionis Adelberti de Hortenburc Emelrici de Bosco et aliorum quos nominare longum est quandam villam nomine Touwondorf et ad hoc tantum ut XXX mansus pleniter ibi habeantur de illo scilicet predio quod nobis dux Heinricus de Carinthia filius domini Marquardi dedit ecclesie sancti Galli in proprium dedimus cum omnibus appendiciis hoc est ministris mancipiis utriusque sexus terris cultis et incultis areis pratis pascuis aquis aquarumque decursibus piscationibus molis molendinis silvis venationibus viis et inviis acquisitis vel acquirendis seu cum omini utilitate que ullomodo de prefata villa que sita est in pago nomine Wfunalbun et in comitatu comitis Manegoldi provenire potent ea videlicet ratione ut idem Ovdalricus patriarcha monesteriique sancti Galli abbas eiusque successores deinceps liberam potestatem inde habeant possidendi obtinendi commutandi precariandi vel quicquid illis ad utilitatem ecclesie placuerit inde faciendi Et ut huius traditionis auctoritas omni evo inviolata permaneat hanc cartam inde conscribi et sigilli nostri impressione insigniri iussimus + Signum domini Heinrici tertii Romanorum imperatoris augusti + + Humbertus cancellarius vice Rovthardi archicancellarii recognovi + Data est IIII id maii anno ab incarnatione domini millesimo nonagesimo III indictione I anno autem domini Heinrici regni eius XXXVIII imperii vero VIIII Actum Papie in Christi nomine feliciter amen