Charter Document - 04040113
| Charter Number: | 04040113 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1296 |
| Date type: | Internal, A.D. |
| Resource Link(s): |
Monasterium.net |
Charter:
Omnibus prensens scriptum intuentibus Johannes dictus de Luterberg salutem et notitiam subscriptorum Noverint universi quos nosce fuerit oportunum quod cum venerabilis dominus meus Wilh dei gratia abbas monasterii sancti Galli castrum dictum Singenberg sibi ac suo monasterio pertinens michi titulo pignoris pro tucentis modus tritici mensure Wilensis et pro decem marcis cum dimidia ponderis Constantiensis obligarit pro qua quidem summa tritici et argenti ipsum castrum apud ydoneos viros dictos de Ramswag absolvi quandocumque per predictum dominum meum abbatem vel successores suos quoscumque qui pro tempore fuerint de dicta summa trici et argenti michi seu meis heredibus fuerit satisfactum idem castrum ex tunc ipsi monasterio seu abbati reddi debere confiteor per presentes et de hoc corporale ad sancta dei ewangelia prestiti sacramentum Conventum est etiam inter nos ut quocumque anno apud me dictum castrum absolvi et liberari contingat hoc fieri debere ante festum beati Johannis Babtiste venientis eodem anno alioquin michi cedere debent fructus et proventus reddituum ipsius castri in hoc anno In horum autem evidentiam presentes sibi suoque monasterio tradidi sigilli mei robore communitas Dat apud sanctum Gallum anno domini MCCLXXXXVI IIII idus iunii indic IX