Charter Document - 04040098
| Charter Number: | 04040098 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Pledge |
| Date: | 1280 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Rvomo dei gratia abbas sancti Galli notum facimus presentium inspectoribus universis quod cum honorandus vir quondam Volr de Guting[en] bone memorie qui se pro abbate sancti Galli gerebat nobili viro Hug comiti de Werdenberch curiam in Buzziswiler cum omnibus suis attinentiis pro sexcentis marcis ac oppidum in Liethinstaige pro sexaginta marcis eo modo quo potuit obligarit idem lantgravius cum nos huiusmodi obligationem cassare tamquam irritam conaremur centum marcas remisit et industria discretorum interposita nobiscum composuit et taliter ordinavit ut pro quingentis marcis vellemus sibi dictam curiam obligare ac obligationem oppidi predicti in summa priori videlicet sexaginta marcarum argenti penitus remanere Nos considerantes ex hoc nostro monasterio cum propter bonum pacis tum etiam alias utilitatem non modicam pro venire prefato Hug comiti de Werdenberch prenominatam curiam in Buzziswiler cum omnibus suis appenditiis pro quingentis marcis ac oppidum predictum pro sexaginta marcis literis presentibus obligamus Ita quod quandocumque quingente marce pro redemptione iam dicte curie de Buzziswiler cum suis pertinentiis ac sexaginte marce in redemptionem oppidi predicti Liethinstaige sibi fuerint presentate predicta omnia tam curia quam oppidum cum universis suis appenditiis ad nos et nostrum monasterium sine impedimento quolibet libere revertantur Si vero sepe dicta curia in Buzziswiler seu etiam oppidum in Liethinstaige in Castro nostro Yberch cum suis pertinentiis aliquid iuris habuerit vel in aliqua parte pertineat ad eadem in presenti obligatione totaliter excipimus nobis et nostro monasterio totaliter reservando Prefato etiam comiti siquid de memorata curia vel oppido predicto percepit vel adhuc quam diu retinuerit obligatam percipiet remittimus pura fide et sibi fideliter condonamus Et quod hec firma permaneant sigillum nostrum hiis literis duximus apponendum Dat Roschach anno domini MCCLXXX IX kl maii indict VIII Nos vero Hugo comes de Werdenberch supradictus quod inter reverendum dominum R dei gratia abbatem sancti Galli et nos secundum quod in instrumenta presenti apparet et non aliter actum est protestamur et confitemur sigillum nostrum in testimonium literis presentibus appendendo