Charter Document - 04040096
| Charter Number: | 04040096 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1283 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus presens scriptum intuentibus Conradus pincerna de Landegge miles ministerialis monasterii sancti Galli salutem cum noticia subscriptorum Noverint omnes et singuli quos nosse fuerit oportunum quod ego saluti anime mee volens intendere grata quoque michi a monasterio sancti impensa pluries beneficia animadvertens omnes census curie in Scheftenowe michi necnon Lvtoldo fratri meo a Romone quondam abbate monasterii predicti pro quinquaginta marcis argenti obligatos necnon mortuaria ac alia iura eiusdem curie in Scheftenowe que nos titulo pignoris aliquamdiu recepimus et tenuimus in nostrosque usus convertimus pro parte sive porcione me contingente et generaliter quiquid a monasterio sancti Galli prefato in prefata curia titulo pignoris teneo aut possideo reverendo domino meo dei gratia Wilhelmo abbati monasterii sancti Galli sepefati nomine ipsius monasterii cededendo eidem obligacioni remitto et ad manus suas remisisse me confiteor presentium per contextum renuntians nichilominus omni iuri quod michi racione obligacionis prescripte in censibus curie memorate mortuariis et aliis iuribus que a monasterio sancti Galli sepefato tenui titulo pignoris et possedi conpetit aut conpeciit vel conpetere posset de iure vel de facto aliquatenus et deberet In huius vero facti evidentiam ampliorem presentes sigilli mei munimine roboravi Dat apud sanctum Gallum anno domini MCCLXXXIII VI idus marcii indict XI