Charter Document - 04040087
| Charter Number: | 04040087 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei dilecto filio [] abbati Heremitarum Constantiensis diocesis salutem et apostolicam benedictionem Cum monasterium de Rinowe Constantiensis diocesis bone memorie [] Constantiensi episcopo commisisse dicamur ne illud dicto episcopo rebus humanis exempto possit in bonis suis incurrere detrimentum nos attendentes quod per industriam et sollicitudinem dilecti filii [] abbatis sancti Galli Constantiensis diocesis prefatum monasterium possit gubernari utiliter et eius iura defendi illud cure sue secundum formam qua ipsum episcopo dicto commisimus nostrarum litterarum auctoritate duximus committendum Unde dilectis filiis conventui eiusdem monasterii damus nostris litteris firmiter in preceptis ut prefato abbati obediant et intendant humiliter et devote Quocirca discretioni tue per apostolica scripta mandamus quatinus si dicti conventus preceptum nostrum neglexerint adimplere tu eos ad id monitione premissa per censuram ecclesiasticam appellatione remota compellas Dat Lugduni VII id septembr pontificatus nostri anno sexto