Charter Document - 04040078

Wilhemus dei gratia electus Bertoldus prepositus totusque conventus monasterii sancti Galli omnibus presentium inspectoribus subscriptorum notitiam cum salute Ne res geste ob temporis diuturnitatem oblivioni dedite diminutionem capiant seu subiaceant detrimento scripturarum inditiis perpetue et incommutabili debent memorie commendari Noverint itaque tam posteri quam presentes quod cum dilectus in Christo Rvomo de Ramstein predecessor nostri Wilhelmi predicti abbatie nostri monasterii propter imbecillitatem et debilitatem persone qua impediente regimini ipsius abbatie intendere non potuit ut expediebat eiusdem monasterii utilitati renuntiaverit ad manus honorabilium virorum Hainrici thesaurarii et magistri Chvononis de Brisach canon[ici] ecclesie Constantiensis tunc gerentium vices ordinarie potestatis nos considerantes equitati fore consonum et rationi ut eidem Rvomoni de possessionibus et redditibus quorum auxilio tam pro se quam pro sua familia honestam et decentem habere possit et valeat sustentationem pro tempore vite sue habito tractatu et consilio nostri conventus et cum eodem deliberatione prehabita diligenti de consensu eiusdem et expressa voluntate et sigillatim consensu singulorum de conventu requisito et adhibito ac concesso voto desiderabili et expresso Rvomoni iam dicto de redditibus centum marcarum argenti ponderis Constantiensis percipiendis singulis annis quiete et pacifice pro tempore vite sue in bonis infra scriptis possessionibus seu redditibus decrevimus providendum et eidem bona possessiones iura seu redditus eosdem assignamus tradimus et donamus de consensu predicti nostri conventus et singulorum de ipso adhibitis in eisdem assignationibus traditionibus et donationibus verborum ac gestuum sollempnitatibus debitis et consuetis videlicet possessiones in Roetis in Jonswiler in Germanshusin in Amptincelle in Linginwiler in Roggewiler cum suis pertinentiis et iuribus universis item ecclesiam sancti Johannis apud sanctum Gallum cum suis pertinentiis et iuribus universis nec non cum hominibus ipsis possessionibus ecclesie et bonis ad eam spectantibus annexis ita quod potestatem habeat plenam eosdem homines instituendi et destituendi in possessionibus et bonis prefatis salva tamen nobis Wilh electo predicto reeeptione sture et collecte eisdem hominibus eo tempore quando communem receperimus collectam ab aliis hominibus nostri monasterii imponende sine quolibet dolo et fraude dantes ipsi Rvomoni plenam potestatem ab ipsis honoraria que vulgariter dicuntur ershaz et mortuaria ac successiones que valle et erbe vulgariter appellantur integraliter et libere recipiendi In hominibus vero pertinentibus possessionibus que dicuntur Gaise et Rivti nobis Wilhelmo predicto reservamus potestatem liberam collectas et exactiones nec non alia servitia eisdem hominibus imponendi hiis servitiis exceptis relinquimus Rvomoni iam dicto eandem potestatem in eisdem hominibus quam sibi in aliis concessimus hominibus et dedimus ut superius est expressum Sunt autem dictorum bonorum in hunc modum redditus computati De Jonswiler dantur centum modii tritici sex modii et dimidius et viginti septem maltera avene et decem libre Item de Roetis dantur XIII libre denariorum Item de Amptincelle quadraginta quinque modii tritici et quindecim solidi Item de ecclesia sancti Johannis de Naengeswiler triginta sex modii tritici et undecim maltera avene unus modius fabe et una libra denariorum Item Noechilon unum malterum avene Item Naengeswiler in festo Verene novem solidi et eodem festo Noechilon decem et octo denarii Item de Iffiwiler decem modii tritici Item de Gaise in maio una libra et Verene sexaginta casei quilibet Valens octo denarii et decem solidi eodem festo Item Aichilberch in festo Galli due libre et decem solidi Item Germanshusen quinquaginta modios tritici minus sex quartalibus et tres solidi ac unus denarius Oua et de Husin quatuor solidi qui pertinent ad eandem curiam Item Iftiwiler quindecim modios tritici et quindecim solid[os] Item de Rivti tres libre Item in dem Len una libra et pro lignis in carnisprivio sex solidi et in maio septem solidi Item Roggewiler undecim modii tritici et duo quartalia undecim solidi et sex denarii Officium decani operis tantum valet tredecim libre decem solidi et sex denarii Summa tritici decani operis est sexaginta septem modii tritici et duo quartalia Item tria maltera avene et duo modii avene Summa predicti tritici trecenti modii quadraginta duo modii et duo quartalia tritici Summa avene quadraginta duo maltera et duo modii Summa denariorum triginta octo libre duo solidi et sex denarii Summa tocius frumenti cum curia Linginwiler quadrigenti modii et triginta tres modii tritici et duo quartalia Summa denariorum per totum quadraginta libre et decem et octo solidi Summa tocius centum libre et sexaginta septem libre sex solidi et sex denarii Item de ecclesia Abbatiscelle et de redditibus eiusdem tricenta maltera avene minus viginti quatuor malteris quorum bonorum una cum ecclesia predicta et redditibus eiusdem summa prehabita computatione sexaginta tres libre ac quatuordecim solidi denariorum Constantiensis monete Item de censibus possessionum liberorum hominum pertinentium in Herisovwer marche duas libras et octo denarios Item de possessionibus cellerariorum in Herisovwe tres libras Item de possessionibus hominum in Gozovwe unam libram Item de possessionibus Altenwegin unam libram Item de possessionibus Azzisperch triginta solidos Item de possessionibus Velde tres libras Item de possessionibus Studon quatuordecim solidos Item de possessionibus Bruggon quatuor solidos Item de Varna unam libram et quinque solidos Item de possessionibus Obirnhusin unam libram Item de possessionibus Waldiv unam libram et quinque solidos ac duos solidos Item de possessionibus Pfossilini quinque solidos Item de possessionibus Studon Kessiler unam libram et quinque solidos Item de possessionibus Ber de Studon quinque solidos Item de possessionibus Crucin sex solidos Item de monte Rvodolfi triginta tres solidos Item de monte dicti Blankin unam libram Item de possessionibus Fuessilini septem solidos Item de possessionibus Rinwin quindecim solidos Item de possessionibus Petri de Gaiserwalt sex solidos et quatuor denarios Item de possessionibus Waltheride Erliholz unam libram et sex solidos Item de possessionibus dicti Hauener quatuordecim solidos Item de possessionibus Erliholz novem solidos Item de possessionibus Hermanni in dem Hage de Roschach VIII solidos Item de prato quondam Waltheride Kilchain quinque solidos Item de prato Bolarii octo solidos Item de possessionibus Geltwiler quinque solidos Item de possessionibus et de monte et pomario [] Probi quatuor solidos Item de monte Hainrici Blarrer octo solidos Item de monte bi der Zubin Garterhusin undecim solidos Item de domo Schilini apud portam Garterhus tres solidos Item de Volrico Wiphin et de orto Garterhusin unum solidum Item de Wirdingisbizzi quatuor solidos Item de Hussi decem solidos Item de possessionibus Musi unam libram Item de Watte duas libras Item de Gaishusin octo solidos Item de Ottolun triginta solidos Item de Abbacelle de Ybach duas libras Item de Obirnwisin sedecim solidos Item de Gerolzhube quindecim solidos Item in dem Lehen VII solidos Item de Wier Hermanni de Schowingin septem solidos et sex denarios Promittentes bona fide quod numquam vivente predicto Rvomone in redditibus bonis ac possessionibus memoratis eidem verbo vel facto gravamen aliquod inferemus Et si in premissis bonis possessionibus seu redditibus ei in toto vel in parte aliquod gravamen a quibuscumque vel a quicumque persona irrogatum fuerit seu illatum ex tunc ipsum eo affectu et ea diligentia debemus defendere et manu tenere prout possessiones nostri monasterii ad nostram pertinentes mensam defendimus et pro posse contra invasores quoslibet defenderemus Sin autem per nos aut ex parte nostri nobis mandante aut ratum habente eidem Rvomoni quicquam gravaminis in possessionibus bonis seu redditibus antedictis in toto vel in parte factum fuerit vel illatum auctoritate nostra vel cuiuscumque iudicis ecclesiastici vel civilis nobis mandante aut procurante fuerit aliquo vel aliquibus ex parte nostri id debemus eidem ad arbitrium reverendi domini Al dei gratia abbatis Augie maioris seu alterius quem prefatus Rvomo in locum sui subrogaverit si ipsum dominum abbatem medio tempore quod absit cedere vel decedere contingerit infra unius mensis spacium integraliter emendare Et si in bonis possessionibus et redditibus iamdictis aut in parte aliqua eorundem per fratres nostros carnales videlicet Fridericum prepositum Curiensem Hainr de Monteforti canonicum eiusdem Rvodolfum Volricum et Hugonem de Monteforti comites vel aliquem eorundem aut ipsis vel aliquo ipsorum mandantibus iubentibus aut ratum habentibus quicquam gravaminis auctoritate propria vel cuiuscumque iudicis ecclesiastici vel civilis ipsis mandantibus seu procurantibus aut aliquo seu aliquibus ex parte eorundem factum fuerit vel illatum id ipsum ad arbitrium prefati domini [] abbatis Augie maioris vel in locum sui subrogati per Rvomonem prefatum si ipsum medio tempore quod absit cedere vel decedere contingerit debent fratres nostri prefati infra unius mensis spacium integraliter resarcire Et pro observatione horum articulorum infra scripti fideiussores seu obsides obligantur Sin autem a quocumque vel a quibuscumque aliis personis dicto Rvomoni in bonis possessionibus seu redditibus antedictis aut in parte aliqua eorundem quicquam gravaminis factum fuerit vel illatum ex tunc fratres nostri predicti eum contra gravantes seu gravantem ipsum impremissis debent eo affectu et ea diligentia defendere et manu tenere prout possessiones proprias contra invasores quoslibet defenderent et manu tenerent Et de observatione inviolabili eorum que sunt predicta nos et fratres nostri predicti corporalia sollempniter prestitimus sacramenta Et ad maiorem cautelam pro observatione indubitabili premissorum hos predicto Rvomoni et reverendo domino Alberto dei gratia abbati Augie maioris predicto domino Curado de Stoephiln canonico Argentinensi Dieth de Ramstein rectori ecclesie in Vlma et Hainr de Griessinberch nobili nomine ipsius Rvomonis obsides dedimus et assignavimus seu fideiussores videlicet fratres nostros carnales supradictos Menagoldum de Nellinburch Fridericum de Togginburch comites Hainr de Griessinberch Rvodolfum et Vol de Gutingin nobiles Eber dapiferum de Walpurch Vol de Bodeme Wal de Algovwe Marquar de Schellinberch Frider de Riet Cvon de Sulzberch et dominum Gunthelmum milites Cvonr Monetarium Constant[iensem] Walt et Burch de Hoven fratres cives Constantienses qui stipulatione sollempni interposita sacramentum corporale sollempniter prestiterunt quod se apud Constantiam monitione octo dierum premissa in obstagium presentabunt si per nos aut per fratres nostros prefatos vel aliquem eorundem quicquam factum fuerit contra premissos articulos vel alterum eorundem numquam inde recessuri donec domino Rvomoni prefato de eo quod in premissis vel in aliquo eorundem fuerit violatum integraliter extiterit satisfactum Et si aliquem predictorum obsidum seu fideiussorum medio tempore quod absit cedere vel decedere contingerit ex tunc alter eque ydoneus debet in locum sui sub forma predicta infra unius mensis spacium subrogari Alioquin superstites se apud Constantiam monitione octo dierum premissa in obstagium presentabunt numquam inde recessuri donec id perductum fuerit ad effectum Sin autem dictorum obsidum seu fideiussorum aliquem tempore sue monitionis in alio morari contingerit obstagio ille alium in locum sui subrogabit in virtute prestiti sacramenti Ceterum ne Rvomoni prefato ipso vivente quicquam impremissis vel aliquo eorundem molestie turbationis aut gravaminis inferatur renuntiamus circa predicta et quodlibet eorundem consensu nostri conventus unanimi accedente tam pro nobis quam pro nostris successoribus beneficio restitutionis in integrum litteris a sede apostolica aut aliunde impetratis seu etiam impetrandis cuiuscumque forme tenoris extiterint seu vigoris etiam si in eis contineatur sacramenti prestiti aut prestitorum relaxatio sacramentorum defensioni non adhibite sollempnitatis omnibus constitutionibus editis vel edendis omni auxilio iuris canonici vel civilis consuetudini generali vel particulari privilegio fori et generaliter omni auxilio tam in specie quam in genere quo mediante ea que sunt premissa vel ipsorum quodcumque violari possent irritari vel cassari seu irrita nuntiari aut impediri in toto vel in aliqua sui parte In evidentiam itaque premissorum et ad ipsorum incommutabilem firmitatem presens instrumentum Rvomoni memorato tradidimus sigillorum venerabilis patris et domini R dei gratia episcopi Constantiensis nostri nostrique conventus et fratrum nostrorum carnalium prefatorum Manegoldi de Nellinburch et Friderici de Toggenbvrch comitum Hainr de Griessinberch Rvo et Vol de Gutingin nobilium Eber dapiferi de Walpurch Vol de Bodeme Wal de Algovwe Marquardi de Schellinberch Frider de Riet et C de Sulzberch militum iam dictorum robore communitum Nos R dei gratia episcopus Constantiensis ad petitionem reverendi in Christo Wilhelmi dei gratia electi prefati huic instrumento appendimus sigillum nostrum Nos vero prepositus totusque conventus monasterii sancti Galli hiis que sunt prehabita et premissa consensum expressum et benivolum adhibentes huic instrumento in evidentiam nostri consensus adhibiti et concessi et ad premissorum indubitabilem firmitatem una cum nostris subscriptionibus appendimus sigillum nostrum Nos vero Fridericus prepositus Curiensis Hainr de Monteforti canonicus eiusdem Rvodolfus Volr et Hugo de Monteforti comites Manegoldus de Nellinburch Fridericus de Togginburch comites Hainr de Griessinberch Rvodolfus et Volr de Gutingin nobiles Eberhardus de Walpurch dapifer Vol de Bodeme Walt de Algovwe Marquardus de Schellinberch Frider de Riet et Cvonr de Sulzberch milites tam pro nobis quam pro nostris confideiussoribus seu conobsidibus huic instrumento ad petitionem reverendi domini Wilhelmi dei gratia electi monasterii sancti Galli appendimus sigilla nostra ad firmitatem indubitabilem omnium premissorum recognoscentes ea que sunt prehabita et premissa in toto et in suis partibus ut predictum est fore peracta nosque obligatos esse et astrictos sub virtute sacramentorum prestitorum prout est superius expressum Ego Bertoldus prepositus monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Ego Hainricus portarius monasterii sancti Galli hiis que sunt premissa et prehabita adhibeo consensum expressum et huic instrumento pro me subscribi feci Ego Hainricus de Dvrrinhain monachus monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Ego Hugo de Durrinhain monachus monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Ego Fridericus de Gundolvingin kamerarius monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Ego Waltherus de Ramstein monachus monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Ego Hilteboldus de Werstein monachus monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Ego Volricus de Drvpurch monachus monasterii sancti Galli hiis que sunt prehabita et premissa adhibeo consensum ex pressum et huic instrumento pro me subscribi feci Ego Marquardus de Veringin monachus monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Ego Hainricus de Lvphin monachus monasterii sancti Galli hiis que sunt prehabita et premissa adhibeo consensum expressum et huic instrumento pro me subscribi feci Datum et actum apud sanctum Gallum anno domini MCCLXXXII XVIII kl febr indict X Presentibus C de Stoephiln canonico Argentinensi magistro C dicto Pheffirhart canonico ecclesie sancti Johannis Constant[iensis] [] rectore ecclesie in Glatte Vol de Ramswag Hermanno de Lannenberch et Hainr de Wartense advocato militibus Walthero de Hoven cive Constantiensi Volr dicto Lesti cive sancti Galli aliisque quam pluribus fide dignis