Charter Document - 04040077
| Charter Number: | 04040077 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei dilecto filio [] abbati monasterii sancti Galli Constantiensis diocesis salutem et apostolicam benedictionem Apostolice sedis benignitas provide pensans merita singulorum sincere obsequentium vota fidelium favore benivolo prosequi consuevit et personas quas in sua devotione promptas invenerit et ferventes efferre prerogativa gratie specialis Ut igitur ex devotiotione quam ad nos et Romanam ecclesiam habere dinosceris favorem tibi apostolicum sentias accrevisse auctoritate presentium tibi personaliter indulgemus ut nullus delegatus vel subdelegatus ab eo executor sive conservator deputatus a sede apostolica vel legatis eiusdem possit in personam tuam interdicti seu suspensionis aut excommunicationis sententiam promulgare aut ingressum tibi ecclesie interdicere absque ipsius sedis speciali mandato faciente plenam de indulgentia huiusmodi mentionem Nulli ergo omnino hominum liceat hanc paginam nostre concessionis infringere vel ei ausu temerario contraire Siquis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Lugduni X kl martii pontificatus nostri anno quinto