Charter Document - 04040061
| Charter Number: | 04040061 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 |
| Date type: | Internal, Papal |
| Resource Link(s): |
Monasterium.net |
Charter:
Innocentius + episcopus servus servorum dei dilecto filio Bertoldo abbati monasterii sancti Galli Constantiensis diocesis salutem et apostolicam benedictionem Cum in ordinatione pacis facta per nos inter te ac venerabilem fratrem nostrum [] episcopum Constantiensem inter alia mandaverimus relaxari omnes suspensionis et excommunicationis sententias in te ab eodem episcopo auctoritate propria promulgatas per quod times privilegiis indulgentiis libertatibus et immunitatibus tibi et monasterio tuo concessis a sede apostolica derogari nos tuis supplicationibus inclinati volentes indemnitati tue ac ipsius monasterii paterna in posterum sollicitudine precavere quod per relaxationem sententiarum huiusmodi nullum privilegiis indulgentiis libertatibus et immunitatibus ipsis preiudicium generetur et iuri eiusdem episcopi aliquid non accrescat tibi et eidem monasterio auctoritate presentium indulgemus Nulli ergo omnino hominum liceat hanc paginam nostre concessionis infringere vel ei ausu temerario contraire Siquis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Anagnie II idus iulii pontificatus nostri anno duodecimo