Charter Document - 04040059
| Charter Number: | 04040059 |
|---|---|
| Cartulary Title: | St. Gallen, Stiftsarchiv |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius episcopus servus servorum dei dilecto filio [] scolastico Argentinensi salutem et apostolicam benedictionem Dilecti filii [] abbatis sancti Galli Constantiensis diocesis precibus inclinati sibi duximus nostris litteris indulgendum ne venerabilis frater noster [] Constantiensis episcopus pretextu quarundam indulgentiarum quas sibi dicimur concessisse quibusdam clericis beneficiatis ab eodem abbate ac quibusdam hominibus sue iurisdictionis qui prout eodem abbate accepimus intimante non leve onus sustinent sibi pro generalis ecclesie negotiis pro viribus assistendo possit nova onera et exactiones imponere ac ad solutionem illorum ipsos per suspensionis et excommunicationis in personas aliaque loca eorum interdicti sententias coartare Ideoque discretioni tue per apostolica scripta mandamus quatinus dictos clericos et homines non permittas contra nostre concessionis tenorem super hiis ab aliqui quibus indebite molestari molestatores huiusmodi per censuram ecclesiasticam appellatione postposita compescendo Dat Lugduni IIII non aprilis pontificatus nostri anno octavo