Charter Document - 04030018
| Charter Number: | 04030018 |
|---|---|
| Cartulary Title: | St. Gallen, Stadtarchiv der Ortsbürgergemeinde |
| Charter Language: | German |
| Charter Origin: | Lay |
| Charter Type(s): | Confirmation |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
In gotis namen amen Ich her Herman von Bovnstetin der lantrihter in Tvrgov kvnde allen den die disen brief sehint ald horent lesin dc ich han gisehin die gnade vnd dc reht dc kvnich Rvodolf von gotis gnaden der Romisch kvnich dien bvrgern zi sante Gallen hat gigebin also daz enhein weltlich rihter vor der stat ab inen rihten sol es enwer danne de siv ieman reht vir seitin vnd die selben gnade vnd dc selbe reht hat inen min herre von gotis gnaden kvnich Adolf genvwerot givestit vnd bistetit mit sinem offenne besigiltem brieve vnd davon zeiner rehten gelovbsami vnd zeinem waren vrkvnde so henk ich der vorgenande her Herman von Bovnstettin min insigel an disen geginwurtigen brief Dis bischah Zeschlinkon vnder der lindvn nah vnsers herren gebvrte Iesv Christi tusent iar zweihvndert iar nvnzich iar vnd dar nah in dem dritten iare an dem mentage zingendem brachode