Charter Document - 04030013
| Charter Number: | 04030013 |
|---|---|
| Cartulary Title: | St. Gallen, Stadtarchiv der Ortsbürgergemeinde |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1281 |
| Date type: | Internal, A.D., Calendar, Regnal |
| Resource Link(s): |
Reference Document for this Embedded Document Reference Document for this Embedded Document Monasterium.net |
Charter:
Rudolfus dei gratia Romanorum rex semper augustus universis imperii Romani fidelibus presentes litteras inspecturis gratiam suam et omne bonum Ad hoc in eminenti specula regie dignitatis nos divina Providentia collocavit ut sub nostro felici regimine respiret respublica et nostri fideles et subditi amotis adversitatibus universis votiva quiete congaudeant ad amplioris devocionis et fidei incrementum Noverint igitur universi tam presentis etatis homines quam future quod nos quieti et commodo dilectorum civium nostrorum de sancto Gallo ardenti desiderio intendere cupientes ipsis hanc gratiam regie benignitatis instinctu duximus faciendam quod coram nullo possint penitus quam coram suo iudice conveniri nec trahi ad iudicium alienum nisi per suum iudicem iusticia querelantibus denegetur Ad hec ipsos eximimus et indulgemus eisdem quod non possint pro venerabili [] abbate sancti Galli principe nostro dilecto occasione aliqua pignorari Preterea volumus quod memorati cives cuiquam obligari non valeant per nos vel quoscumque alios nisi eo tantum iure quo nobis et dicto imperio sunt astricti In cuius rei testimonium presens scriptum exinde conscribi et maiestatis nostre sigillo iussimus communiri Datum apud Columbariam XVI kl novembris indic X anno domini MCCLXXX primo regni vero nostri anno nono