Charter Document - 04020035
| Charter Number: | 04020035 |
|---|---|
| Cartulary Title: | Baumgartenberg, Zisterzienser |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1293 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Eberhardus dictus Garttner Cupiens saluti anime mee in antea prouidere duxi publice protestandum quod de voluntate et consensu Irigardis coniugis mee necnon omnium heredum meorum domum meam et vineam annexam domui iuxta Chrembsam Monasterio jn Pawngartenperg taliter delegaui vt videlicet post mortem meam et eiusdem coniugis mee eadem domus et vinea ad idem monasterium debeant absolute et libere pertinere jta vt in meo et predicte vxoris mee Anniuersario jd est in die Beate virginis katherine de prouentibus predictorum medium talentum denariorum prefati Cenobij conuentui pro solacio ministretur Ad cuius facti euidenciam atque Robur antedictam domum et vineam Venerabili domino Rapotoni supra dicti Monasterij Abbati coram Magistro montis simpliciter resignaui presentemque literam cum sigillo eiusdem Magistri montis scilicet domni Rugerj quondam Judicis jn Khrembs conscrjbi feci in testimonium super eo Actum Anno dominj Millesimo ducentesimo Nonagesimo Tertio XVIJ Kalendas Januarij