Charter Document - 04020032
| Charter Number: | 04020032 |
|---|---|
| Cartulary Title: | Baumgartenberg, Zisterzienser |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1288 |
| Date type: | Internal, A.D., Feast |
| Resource Link(s): |
Monasterium.net |
Charter:
Vt ea que geruntur in tempore rata permaneant in futurum solent facta presencium sub scripto transmitti memorie posterorum Nos igitur frater Rapoto dictus Abbas Monasterij in Poumgartenperg protestamur publice in his scriptis quod nobilis femina domina videlicet Jewta de Nouaciuitate [et] minor filia sua eiusdem nominis que cognominatur Gesniczerjnne zelo dicte religionis et feruore permote proprie deuocionis vt largitorem omnium bonorum deum sue facerent substantie coheredem cum consensu omnium heredum suorum duo predia que trium talentorum redditus continent taliter nostre ecclesie dum adhuc in carne viuerent delegarunt scilicet vt post mortem earundem predicta duo predia omnj jure quo hec eedem femine possederunt in nostram transeant possessionem tam libere quam quiete talibus condicionibus interiectes vt ex ea hora qua predicti redditus in nostram deuenerint proprietatem omni tempore quo eosdem redditus plenis vsibus sine qualibet diminucione sine quolibet grauamine percipimus Ex tunc singulis annis de huiusmodi prouentibus tribus vicibus Conuentui nostro tria dare tenemur seruicia sub ea plenitudine qua id nostram deceat honestatem et quemadmodum alias est consuetum Hijs autem diebus dabuntur In festo et die Sancte trinitatis de feodo quod vocatur in dem Lach soluenti vnum talentum denariorum quod nobis predicta domina Jewta prior etate delegauit Reliquis autem duabus videlicet vicibus jd est in die Sancto Penthecosten jtem in die omnium sanctorum de altero predio sito in Hergertsteten soluenti duo talenta denariorum quod junior nobis domina delegauit debent duo prandia ministrari hec addicio vt si aliquando quod absit per Nos aut procuratores nostros contra prehabitam delegacionis formam ventum fuerit que sine certa necessitate talis consolacio pauperibus christi aut omnino subtracta fuerit vel in parte aliqua jnminuta Ex tunc prefati redditus ad proximos heredes incipient pertinere Vt igitur premissa omnia et singula premissorum jn suo Robore perseuerent presentem paginam conscribi fecimus trium Sigillorum appensione videlicet domini Vlrici de Capella et nostro et Heinrici Gesicznarij Testibus nichilominus annotatis quorum hec sunt nomina Dominus vlricus de Capella dominus hartnidus de Lapide Vlricus et leutoldus fratres de Mitterberc Vlricus hauser Vlricus filius hartmudj Otto et heinricus fratres de Cynczenndorf Heinricus Gesnitzer Betzelo de arbing et alij quam plures Actum Anno dominj MCCLXXXVIIJ jn vigilia Natiuitatis Marie Virginis