Charter Document - 04020028
| Charter Number: | 04020028 |
|---|---|
| Cartulary Title: | Baumgartenberg, Zisterzienser |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1276 |
| Date type: | Internal, A.D., Calendar |
| Resource Link(s): |
Monasterium.net |
Charter:
O dei gratia Boemie Rex Dux Austrie Styrie et Karinthie marchioque Morauie Dominus Carniole Marchie Egre ac Portus Naonys dilectis fidelibus suis Judicibus in Chrems qui pro tempore fuerint instituti et vniuersitati ciuium ibidem gratiam suam et omne bonum Quia venerabilem abbatem et conuentum fratrum ordinis Cystersiensis domus in Povmgartenperg ob reverenciam virginis gloriose fauore et gratia prosequimur speciali curiam eorum aput Chremsam ab omni steurarum solutione et a quibuslibet exactionibus de liberalitate regia duximus penitus absolvendam nolentes ut occasione alicuius necessitatis ciuitati forsitan inminentis subsidium aliquod sive steuram requirere presumatis a curia supradicta vel ab hiis quos locaverint in eadem Datum apud liberam ciuitatem Anno domini Millesimo Ducentesimo Septuagesimo sexto Nonis Julij