Charter Document - 04020021
| Charter Number: | 04020021 |
|---|---|
| Cartulary Title: | Baumgartenberg, Zisterzienser |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Nos Otto dei gracia Ecclesie Patauiensis Episcopus Notum facimus vniuersis presentes literas inspecturis Quod ad eterne felicitatis premia nobis sperantes firmiter peruenire si per nos personis deo deuotis qui crucem domini in aff [] baiolant non solum pro sua ymo pro tocius Ecclesie salute in sudore wltus sui spiritualium gaudiorum et orationum suarum domino victimas incessanter offerunt aliqua caritatis subsidia quibus in hoc laborioso certamine refecti quandoque temporaliter deo militare possint comodius ministrantur de consilio et petitione Venerabilis Capituli nostri patauiensis Dilectis nobis in christo Abbati [] et Conuentui Monasterij sancte Marie in pawngartenperge ordinis Cisterciensis nostre diocesis de gracia concedimus speciali ut vnum talentum salis maioris ligaminis de proprijs suis salibus vna uice aput patauiam sine muta et exactione qualibet transducant uel transduci faciant annuatim sub interminacione diuini judicij inhibentes ne quis officialium nostrorum uel successorum nostrorum eundem Conuentum presumat contra indultum hoc offendere uel de predictis salibus aliquid extorquere maxime cum inter cetera oracionum suarum suffragia quibus nos et Capitulum nostrum participes statuerunt hoc duxerint specialiter adiungendum quod in nostro successorumque nostrorum et omnium fratrum Capituli nostri obitus uel deposicionis die missam et vigilias tamquam suis fratribus celebrabunt et nichilominus singulis annis vno die qui magis ipsis opportunus videbitur pro remissione omnium pontificum et Canonicorum patauiensis Ecclesie commemoracionem faciant solempniter defunctorum Vt autem premissa omnia pro nostra successorumque nostrorum et tocius Capituli nostri salute et sepedicti Conuentus necessitate prouide ac salubriter ordinata rata permaneant nec per maliciam aut calumpniam possint ab aliquo infirmari presentes literas nostro et Capituli nostri Sigillis comuniri fecimus in testimonium et cautelam Sunt autem hij testes Meingotus prepositus Boppo decanus Bernhardus de Morspach Henricus de Ramung Hainricus de Haidendorf Albertus Comes de Rotenegk Siboto de Tanneberg Magister Hartwicus Scolasticus Otto Cantor Bernhardus de prambach Canonici Siboto de Lonstorf Heinricus de Radegk et alij quam plures Datum Patauie Anno domini Millesimo ducentesimo Sexagesimo quarto septimo jdus Aprilis Pontificatus nostri Anno vndecimo