Charter Document - 04020016
| Charter Number: | 04020016 |
|---|---|
| Cartulary Title: | Baumgartenberg, Zisterzienser |
| Charter Language: | Latin |
| Charter Origin: | Religious |
| Charter Type(s): | Restoration |
| Date: | 1250 |
| Date type: | Assigned |
| Resource Link(s): |
Monasterium.net |
Charter:
B dei gratia Electus Pataviensis ecclesie Honorabilibus viris C de Altenburch Ul et Pil fratribus de Cappella Salutem cum plenitudine omnis boni Significavit nobis abbas de Pomgartenberg conquerendo quod decimas ecclesie sue quas antecessores sui ab exordio fundacionis sue iusto titulo quiete et libere possederunt quidam miles Chlammensis dictus C der Houser violenter sibi presumit et indebite uendicare Quapropter discretionem uestram monemus in domino et rogamus quatenus dictam ecclesiam in suo antiquo et legitimo iure cum decimis quas centum annis et amplius libere dinoscitur possedisse nostri ac dei intuitu defendere studeatis pro tali facto a deo meritum et a nobis grates multimodas recepturi