Charter Document - 04020011

In nomine dei summi frater Pilgrimus dictus abbas in Povmgartenperge omnibus presens scriptum inspecturis in perpetuum Ut etatis nostre negotia firmitatem habeant et vigorem ne quid eis postmodum apponat cupiditas aut submoueat obliuio de quo possit in posterum contentio uel dissensio suboriri testibus idoneis et certis litterarum solent apicibus mancipari Nouerit igitur presens etas et futura posteritas quod abbas Rvdgerus felicis memorie et fratres in Pomgartenberge quoddam predium Lawarin a domino Schrot milite pro XXIIII talentis et predio quodam iuxta Shessen sito ante annos plures absque omni contradictionis obstaculo conpararunt memorati predij emptionem taliter confirmantes ut si qui heredes dicti militis ecclesiam nostram pro predio Lawarin quoquomodo inpeterent aut grauarent fratres loci nostri predium iuxta Shessen reciperent et curiam Lawarin tamdiu tenerent quoadusque ipsis ab heredibus quinquaginta talentorum summa ex integro solueretur Factum uero tam rationabilis conuentionis ad peticionem utriusque partis scripto et sigillo illustris ujri pie recordationis Vlrici comitis de Velburch sub testimonio proborum uiorum a quam pluribus dinoscitur communjtum Sed quia cupiditatis malum in plerisque mortalium cordibus radicem suam tenaciter figens animos multorum submouet et corrumpit post obitum domini Schrot quidam heredes ipsius quendam pro se juris articulum sed in hoc facto minus rationabilem allegantes contra laudabilem formam premisse conuentionis scripto et sigillo nec non et testibus idoneis approbatam predium Lawarin in preiuditium domus nostre sibi preter debitum uendicarunt et utroque predio iuxta Shessen et Lawarin simul detento fructus exinde per annos quatuor perceperunt Nos itaque dampnum nobis illatum equo animo non ferentes sed domino duci et aliis conprouincialibus nostram injuriam proponentes tandem uero pacis commodo intendentes de consensu nostro et partis aduerse lis que inter nos uertebatur prvdentum uirorum arbitrio taliter est sospita ut uidelicet aduersa pars acceptis a nobis sex talentis et reseruato sibi predio iuxta Shessen plane abomnj quam in predio Lawarin sibi dicebant quiescerent actione sane cautione arbitrii hiis adiectis ut filii et filie domine Vvilbirgis cum ad etatem XII annorum deuenerint omni juri renuntient quod habere uidebantur ratione matris que nos in sepe dicto predio molestabat Quod si renuntiare noluerint secundum determinationem ab arbitris promulgatam pecuniam subscriptam soluent ecclesie nostre occasione qualibet pretermissa L videlicet talenta iuxta formam prioris conuentionis et xxx talenta quorum auus ipsorum xxiiij in prima distractione predij Lawarin percepit et mater ipsorum VI in conpositione nouissima per arbitros procurata nec non et alia xx talenta que nichilominus mater eorum accepit fructus memorati predij per annos IIII contra iusticiam colligendo Que talenta L uidelicet et xxx et xx si connumerentur summam centum faciunt talentorum Quam summam iuxta diffinitionem arbitrij sine lite ut ante dictum est nostre domuj assignabunt Postea uero restituto nobis predio iuxta Shessen predium Lawarin quantum ad nos quiete de cetero possidebunt Huius rej executores et fidejussores sunt Dietmarus judex prouincialis et frater ipsius Dietricus de Steine Dietricus filius sororis eorundem Chunradus de Ledden Wezelo Sifridus vol Chunradus de Mittirberch Fridericus Thratarius Siglohus Horum fidem accepimus super executione et promotione conpositionis superius memorate Verum ut omnis calumpniandj materia et litis occasio posteris auferatur et ne rem gestam in futurum obliuio submoueat aut inmutet tribus sigillis domini Hertwici prepositi de Walthusen et nostro nec non et sigillo Dietmari judicis prouincialis de Steine meritum facti fecimus roborari Nomina uero illorum subscripta sunt ad cautelam qui facto dum fieret astiterunt Hertwicus prepositus de Walthusen Heinricus Tannarius frater ibidem Gebzo cellerarius Symon fratres domus nostre Hugo plebanus de Nerden Henricus clericus ipsius Herbordus plebanus de Shessen Herbordus plebanus de Mittirchirchen Wolfkerus plebanus de Khuniswisen Laici Dietmarus iudex Dietricus frater ipsius Siglohus et Dietricus filii sororis eorundem Heinricus de fridehalmstorf Wezelo Gotscalcus de Aerbingin Albero de pvuilinsperge Chunradus de ledden Chunradus de Mittirberch Otto frater ipsius Sifridus vol Fridericus thratarius Herwicus Henricus de mathse Eberhardus Heinricus de thragevn Henricus waltpoto Otto hevgeir et alij quam plures Actum apud Aerbingen anno dominj MCCXL friderico nobilissimo Austriam feliciter gubernante Amen