Charter Document - 04020009
| Charter Number: | 04020009 |
|---|---|
| Cartulary Title: | Baumgartenberg, Zisterzienser |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1239 |
| Date type: | Internal, A.D. |
| Resource Link(s): |
Monasterium.net |
Charter:
Walterus diuina permissione dictus abbas in Medelich vniuersis hanc paginam inspecturis in perpetuum Quvm labente tempore memoria plerumque labitur actionum acta nostri temporis memoria et confirmatione digna scripturarum munimini duximus commendanda ne obliuiose contentionis molestia ueritati aliquando ualeat preiuditium generare Presentium itaque insinuatione notificamus quod temporibus nostris ecclesie nostre redditus septuaginta librarum conquisiuimus Cum autem summa necessitas qua ecclesia nostra rapinis aliisque infortuniis ac incommodis fuerat grauata et uastata ad distractionem seu obligationem possessionum nostrarum nos urgeret uenerabilibus in christo fratribus nostris scilicet Pilgrimo abbati et conuentui Povmgartenbergensis ecclesie de communi consensu conuentus nostri uendidimus quedam bona de predictis redditibus uidelicet quinque mansos in Straenik cum omnibus sibi pertinentiis annuatim soluentes decem libras et ius montis quod soluit tres solidos et quindecim denarios wienensium denariorum pro centum libris eiusdem monete cum omni jure quo ipsa possederamus perpetuo possidenda Tali tamen interposita cautione quod si aliquis iam dictos fratres de bonis prenominatis eo quod ipsa nos iniuste possedissemus impetierit ipsi de bonis ecclesie nostre in Perinkyrchen redditus decem librarum tamdiu percipiant quoadusque per nos successoresque nostros a tali impulsatione fuerint liberati Ad huius rei confirmationem et certam euidentiam presentem cedulam exinde conscriptam sigillo nostro et sigillo conuentus nostri cum testium subscriptione duximus muniendam Testes sunt de conuentu Medelicensi Otto prior Wicpoto custos Luopoldus prepositus Johannes subprior Fridericus cantor De conuentu Povmgartenbergensi Wolfhardus Portarius Cristanus cantor Henricus custos Henricus plebanus de Perinkyrchen Chunradus miles de Cremilz Rvodgerus Revter Acta sunt hec anno gratie MCCXXXVIIII V Idus Julii presentibus dominis Walthero de Medelico et Pilgrimo de Povmgartenberge abbatibus in domo Medelicensi coram fratribus uniuersis