Charter Document - 04020005
| Charter Number: | 04020005 |
|---|---|
| Cartulary Title: | Baumgartenberg, Zisterzienser |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1209 |
| Date type: | Internal, Calendar, Papal |
| Resource Link(s): |
Monasterium.net |
Charter:
Episcopo Pataviensi et Abbati de Bovingardenberg Pataviensis diocesis Veniens ad presentiam nostram dilectus filius L lator presentium nobis humiliter intimavit quod cum olim intrandi monasterium propositum concepisset pluribus sacerdotibus Militibus et aliis bonis viris presentibus apud uxorem suam precibus institit ut super hoc suum impartiretur assensum eisdem Presbyteris primitus exoratis ne prefate mulieri exponerent quod et ipsam oporteret derelinquere seculum si viro suo daret licentiam ad monasterium con volandi Cumque ipsum mulier ne ab ea discederet vice mutua precaretur ipse asserens quod nisi ab ea posset super hoc obtinere licentiam non solum ei se inutilem redderet sed etiam toti mundo jlla deinde tam ipsius quam multorum astantium precibusque devicta caput ejus altari supposuit manu sua qui ea presente tonsoratus ibidem monasterium adiit et finito probationis tempore professionem fecit solemniter monachalem illa vero in seculo remanens inhonestos amatores admisit Unde idem L metuens ne sue continentie illius incontinentia imputetur an in monasterio perseverare debeat a nobis consilium postulavit Quocirca discretioni vestre per apostolica scripta mandamus quatenus si est ita predictum L in monasterio quo intravit absque inquietatione cuiusquam perseverare permittatis Licet enim videatur in hoc non modicum deliquisse quod captiose asseruit quia nisi sibi eadem mulier consentiret tam sibi quam toti mundo se inutilem redderet et cum Presbyteros exoravit ne predicte mulieri exponerent quod eandem relinquere seculum oporteret si forte licentiam daret viro ex quo tamen eadem mulier caput viri altari sponte supposuit et postmodum sicut asseritur vixit incontinenter super revocatione ipsius non esset aliquatenus audienda cum ejus intentio si eundem forte repeteret exceptione possit commisse fornicationis elidi maxime cum antequam fuerit fornicata ipsum non duxerit repetendum Datum Laterani III Non Aprilis anno duodecimo