Charter Document - 04000140
| Charter Number: | 04000140 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1299 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Rugerius filius Ebonis quondam judex in Chrembs testificor tenore presentium universis quod de consensu et beneplacito uxoris mee Elisabeth ac omnium liberorum meorum curiam meam in Neundorf situatam cum omnibus attinentiis suis vineis agris pomeriis quesitis et iuquirendis omni jure quod mihi et eis in ipsam competere videbatur renuncians venerabili domino Christiano abbati et conventui in Cella angelorum tradidi pro XX et VIII libris denariorum currentis monete sub jure civili quod vulgo dicitur Purchrecht libere perpetuo possidendam quam pecuniam promptam recepi obligans me et omnia mea prefatis fratribus Celle angelice dictam curiam a quorumcunque impetitione sine eorum detrimento ad dies et annos secundum consuetudinem terre sub meo dispendio defendendam In cujus rei testimonium presentem literam ipsis dedi mei sigilli appensione consignatam testibus subnotatis videlicet domino Cunrado abbate in Wilhering fratre Bertholdo quondam abbate in Cella angelica fratre Tietmaro predicatore et fratre Vito filio meo fratre Domenico procuratore dominorum de Zwetl sacerdotum fratre Cunrado procuratore D D in Wilhering Ulrico nepote decani Hainrico villico Sifrido officiali et aliorum plurimorum Acta sunt hec anno domini MCCLXXXXIX in die beati confessoris et pontificis Juliani