Charter Document - 04000138
| Charter Number: | 04000138 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1297 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Nikolaus rector ecclesie in Stadelau tenore confiteor presentium quod sane devotionis inductus spiritu in novella plantatione Celloe angelorum altare in honore sancti Thome apostoli et Nicolai confessoris fundavi illoque a me in paramentis libris calice et aliis necessariis ad divinum cultum spectantibus solemniter expedito dotavi illud per domum meam Wiennoe ante curiam domini mei Pataviensis episcopi sitam assignans eandem juxta consuetudinem civitatis Wiennensis cum omnibus pertinentiis suis cum omni jure quo possedi eandem venerabili domino Christiano abbati predicte ecclesie angelorum per manum domini Jacobi Judei civis Wiennensis ad quem eadem domus pertinuit ratione fundi de cujus jure titulo juris civilis annis singulis sex denarii ministrantur eidem tali modo quod in predicto altari omni die perpetuo ad honorem dei et sanctorum suorum pro anime mee remedio una missa debeat celebrari Ego quod dictam domum a predictis abbate et conventu sub censu unius talenti usualis monete solvendi singulis annis in festo sancti Georgii ad vite mee tempora debeam obtinere meque sublato de medio dicta domus cum proprietatis dominio et possessionis commodo ad sepe dictam Cellam angelicam libere revertetur nullique quicquam juris competet in eadem jure civile duntaxat excepto In cujus rei testimonium presentes dedi litteras et procuravi sigilli reverendi patris domini mei Wernhardi venerabilis Pataviensis episcopi et domini Cunradi de Willering et meo sollempniter sigillari [Hic enumerantur plures testes] Datum Wiennoe anno domini millesimo ducentesimo nonagesimo septimo decimo Kalendas Decembris