Charter Document - 04000136
| Charter Number: | 04000136 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1296 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wernhardus Dei gratia Ecclesie Patauiensis Episcopus tenore confitemur presentium quod fauorabiliter confideratis defectibus quos Ex rerum inopia Ecclesia in Wilhering Cysterciensis ordinis et nostre dyocesis patitur et volentes eidem paterna sollicitudine prouidere quo possint facilius fratres in ea sub sancte religionis observantia militantes domino deseruire superuenientes hospites hospitalitatis comodis recreari et persone miserabiles in suis consolari necessitatibus et pressuris Ecce donationem iuris patronatus parrochialis Ecclesie in Teraz nostre dyocesis factam Abbati et Conuentui ipsius Ecclesie in Wilhering per nobiles viros dominos Heinricum seniorem et Heinricum iuniorem et Wernhardum de Schovnberch de pleno capituli nostri consensu et de certa scientia ratam habentes confirmauimus in hiis scriptis quin imo fructus sev prouentus dicte Ecclesie in Teraz donauimus et applicauimus perpetuo mense abbatis et Conuentus predictorum sub hoc modo videlicet vt ipsi vacante predicta Ecclesia in Teraz ad Eam nobis et successoribus nostris per nos et successores nostros inuestiendum plebanum ydoneum debeant canonice presentare cui tantum deputamus et ordinamus de bonis Ecclesie memorate vt idem possit honeste vivere hospitalitatem tenere et onera papalia et episcopalia archydyaconalia et alias canonica comode supportare cuius prebende moderationem nobis duximus reseruandam In cuius rei testimonium presentes dedimus literas nostro et Capituli nostri sigillis ad perpetuam memoriam sigillatas Datum et Actum Patauie anno domini MCC Nonagesimo Sexto Afre martiris