Charter Document - 04000133
| Charter Number: | 04000133 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1294 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wernhardus dei gratia ecclesie Patauiensis Episcopus tenore presentium profitemur quod cum fidelis noster Heinricus de Radekk decimam fructuum in Lebrorn dependentem a nobis et ab ecclesia nostra Patauiensi fevdali titulo a nobili viro Dietrico de Chirchling qui eam a nobis in feodum tenuit et a quibusdam ciuibus Tvlnensibus qui eam a predicto Diterico in feodum tenuerunt pro centum talentis denariorum vsualis monete extraxisset sic quod eisdem iuri suo sponte in manibns nostris renuntiantibus nos easdem decimas in ipsum transtulimus titulo fevdali Ipse Heinricus de Radekk saluti sue volens consulere petiit a nobis vt nostre voluntatis consensus accederet ut usu fructum eiusdem decime pro quorundam pauperum sustentatione Wilheringensi ecclesie donare posset sic vt eandem pro centum talentis volumus redimere facultas nobis pateat redimendi et hoc circa Natiuitatem domini quando moneta Wiennensis cursum valoris conmunis obseruat Nos itaque petitionibus suis annuentes in hac parte vsum fructuum predicte decime de sua voluntate et ipse de nostro consensu donauimus predicte ecclesie in Wilhering salua nobis redimendi facultate eandem pro centum talentis in subsidium dictorum pauperum conuertendis secundum conditionem superius appositam et adiunctam Datum et actum Ebilsperch anno domini MCCLXXXX quarto Martini confessoris In cuius rei testimonium presentes dedimus literas nostro Sigillo mvnites