Charter Document - 04000129
| Charter Number: | 04000129 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1294 |
| Date type: | Internal, A.D. |
| Resource Link(s): |
Monasterium.net |
Charter:
Ea que aguntur in tempore cum habilitate temporis simul elabuntur nisi literarum apicibus ac testium subscriptione fuerint perhennata Hinc est quod nos Bertholdus comes de Hardekke et dilecta consors nostra domina Wilbirgis matura et bona liberatione prehabita ob reuerentiam dei et augmentum salutis animarum nostrarum et progenitorum nostrorum religiosis viris sancti cenobii ordinis Cisterciensis in Wilhering ius patronatus quod habere videbamur et nobis conpetebat in ecclesia Teras donauimus libera voluntate et pure propter deum totum ius nostrum ex nunc in ipsos transferentes Et ut hec nostra donacio integra et sine calumpnia aliqua firma perseueret hanc literam nostris sigillis munitam conscribi fecimus cum testibus subnotatis qui sunt dominus Leutoldvs de Chunringe dominus Ortlibus de Winchelberch dominus Chvnradus de Capella dominus Herbordus de Simoningen Siboto dictus castenerius ciuis in retza Petrus dictus de insula et plures alii fide digni Acta sunt hec anno ab jncarnatione domini MCCLXXXXIIII