Charter Document - 04000127
| Charter Number: | 04000127 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos vlricus miseracione diuina Decanus in Tauershaim attendentes quod multa sit malicia hominum et adinuencio quam plurima plurimorum volentes nostre consciencie et Ecclesie in Wilhering indempnitati pro nostris viribus prouidere notum facimus vniuersis et voce libera protestamur quod bylari mente sano corpore sensibus plene sanis clemosynam quandam vsibus fratrum eiusdem Ecclesie seruituram secundum quod in literis super hoc confectis sub sigillis venerabilium patrum de Ebera de Lancheim de Wilhering abbatum et nostro plenius continetur contulimus et in his scriptis libera donacione damus pure propter deum pro remedio nostre anime progenitorumque nostrorum animabus dictis fratribus perpetuo possidendam abrenunciantes in toto omni iuri vel inpeticioni que super huiusmodi donacione nobis vel cuiquam alteri conpetere videretur libros etiam nostros quos eidem Ecclesie ex nunc prout ex tunc donacione libera tradidimus atque damus volumus eidem Ecclesie plenarie remanere Eligentes ex nunc pro nostra vltima voluntate in eodem monasterio ecclesiasticam sepulturam In Cuius Rei testimonium euidens et cautelam presentes literas dedimus prefato monasterio in Wilhering et fratribus ibidem sigilli nostri robore conmunitas Datum et actum in Wilhering anno domini Millesimo Ducentesimo Nonagesimo tercio in Octaua beatorum apostolorum Petri et Pauli