Charter Document - 04000112
| Charter Number: | 04000112 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1288 |
| Date type: | Internal, A.D. |
| Resource Link(s): |
Monasterium.net |
Charter:
Ne propter labentis temporis odiosam maliciarn et humane condicionis obliuiosam incuriam rationabiliter gesta ac memorie digna ducantur in irritum et pereant solet ea prvdentum virorum industria literali studio et hominum fidelium testimonio subtiliter roborare Nouerint igitur vniuersi tam presentis etatis quam future posteritates homines presencium inspectores quod ego Elizabet Relicta quondam domini Hertnidi Dapiferi in Schownberch et Chvnradus filius meus consensu vnanimi ac deliberato consilio venerabili Abbati domino Wolframo et Connentui Ecclesie in Wilhering Ordinis Cijsterciensis Patauiensis Dyocesis porcionem possessionum in Hylkering quam ab ipsis hactenus iure precario possedimus et protempore vite nostre possidere debuimus pro triginta octo libris nouorum denariorum ad redimendum fideliter et deuote dedimus et contulimus in posterum iure pristino absque calumpnie scrupulo et insultu impeticionum heredum nostrorum sev aliorum malorum hominum libere et quiete perpetuo possidendam Renunciantes presenti scripto omni iuri nostro quod in predictis bonis hucusque habuimus vel habere videbamur nec non scriptis et dictis priuilegii super prefato iure precario a memoratis fratribus nobis collati solutionem integralem prescripte redemptionis nos veraciter percepisse publice protestamur In huius igitur rei claram euidenciam et indelebilem memoriam presentem litteram fratribus prelibate Ecclesie in Wilhering dedimus sigillis Chvnradi Castoris de Rotenekk et Ciuitatis Lincensis dum adhuc propriis sigillis careamus cum subnotatis testibus efficaciter communitam Hii sunt testes Wernhardus Sincinger Vlricus Mutarius Chvnradus de Euerding Wernhardus in vruar Heinricus frater suus Hainricus Harbrunner Albero Malchinger [] et alii quam plures Actum et Datum anno domini MCCLXXXVIII