Charter Document - 04000108
| Charter Number: | 04000108 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1286 |
| Date type: | Internal, A.D., Feast |
| Resource Link(s): |
Monasterium.net |
Charter:
Ne propter malorum hominum obliuiosam memoriam ac temporis maliciam odiosam rationabiliter gesta transeant in irritum et pereant expedit ea litterali studio et fidelium hominum testimonio cautius roborari Nouerint igitur vniuersi tam presentes quam futuri presentem litteram inspecturi quod ego Arnoldus dictus Piber de conmuni consensu et bona voluntate Margarete vxoris mee Vlrici Rudgeri et Heinrici filiorum meorum possessionem meam dictam Piberowe cum omnibus pertinentiis suis pratis pascuis siluis quesitis et inquirendis dedi et contuli ecclesie sancte Marie virginis in Wilhering et fratribus ibidem deo famulantibus titulo proprietatis pleno iure quemadmodum ego et pater meus antiquitus possedimus sine calumpnia libere et quiete perpetuo possidendam Ne igitur dicta ecclesia vel predicti fratres in Wilhering super prefata possessione aliqua ualeant in posterum perturbari calumpnia promisi et promitto tenore presenti me exhibiturum auctorem quod wlgo dicitur gewer super sepe dicta possessione tempore et loco in sollempni vel conmuni placito et priuato Ad hec ego et vxor mea necnon prefati filii mei debitam fecimus ab stipulationem que uulgo dicitur furciht coram testibus fide dignis In cuius rei testimonium claram et indelebilem euidentiam presentem litteram dedi dictis fratribus sigilli mei cum subnotatis testibus fideliter communitam Sunt autem testes domini mei Wernhardus et Hainricus de Schovnberch Chunradus Furtoer dictus Ditricus et Rudolfus dicti Schiuer Hertnidus et Rudolfus de Liechtenwinchel Rudolfus et Hainricus de Alharting Sighardus Otakorus Albero et Petrus fratres de Lobenstein Hermannus Wernhardus et Heinricus dicti Gneussen Vlricus et Vlricus dicti Poeschinger et alii quam plures Datum et actum Anno domini MCCLXXXVI jn die Natiuitatis eiusdem domini nostri iesu christi