Charter Document - 04000106

Testamentum inmobile et irreuocabile permanet cum illud et uox testium et auctoritas roborat scripturarum Proinde nos Sighardus et Albero fraters de Lobenstain clarescere cupimus uniuersis tenorem presentium inspecturis quod cum per longa tempora inter nos fratresque nostros Otakarum et Petrum ex parte una ed abbatem monasterii de Wilhering ex parte altera lis et contentio haberetur pro quodam colono nomine Ditmaro filio Hartmudi quondam residentis in Durchsteten in predio uidelicet quod pater noster dominus Vlricus felicis memorie una cum dicto colono positus in extremis prefate dedit ecclesie pro anime sue remedio ob honorem gloriose uirginis Marie habito consilio et deliberatione debita tandem cessimus liti et contentioni ita quod super proprietate persone supradicti Ditmari publicam coram testibus fecimus abdicationem et ab stipulationem quod uulgariter dicitur fuercicht offerentes eundem beate uirgini Marie in Wilhering titulo proprietatis perpetuo permansurum Aperte nichilominus profitentes et promittentes per tenorem presentium super predictam defensionem debitam et exhibere nos auctores quod uulgo dicitur Gwer contra heredum nostrorum uel etiam aliorum quorumlibet in petitionum inpulsus et querimonias Dampnum quoque quod dicta ecclesia pro tali causa receperit promissimus integraliter resarcire In cuius rei testimonium presens scriptum sepe dicte dedimus ecclesie nominate sigilli et voce testium munimine roboratum Sunt autem testes dominus Heinricus de Volchenstorf Otto dictus Rotenmoser Siboto et Ditmarus dicti Asenboum Chunradus Pauzwekk De conuenta in Wilhering frater Chunradus prior Hvgo Heinricus Rotel Otto cellerarius Chunradus portarius et alii plures Datum anno domini MCCLXXX quinto circa festum Georii