Charter Document - 04000104
| Charter Number: | 04000104 |
|---|---|
| Cartulary Title: | Wilhering, Stiftsarchiv |
| Charter Language: | German |
| Charter Origin: | Lay |
| Charter Type(s): | Grant |
| Date: | 1285 |
| Date type: | Internal, A.D. |
| Resource Link(s): |
Monasterium.net |
Charter:
Wir vlrich vnd Chunrat von Chapelle enbiten Alram von Aterse vnsern guten willen ze dinst Vns hat fver gelit vnser libe frivnt der Abt vnd div samenvnge von Wilhering daz dv vnser frowen sant Marien ze Wilhering durch dines fater sele gegeben habst sechs vnd drizzig pfenninge geltes bi dem aterse di dv von vns ze rehtlehen hast also ob ez vnser wille si Daz tun wir dir chunt an disem brife daz ez vnser gut wille ist vnd gvennen sin vnser frowen gar wol vnd dem chloster Davber geb wir dir disen brife ze einem vrchvende Der brife ist gegeben da von Christes gebvrt waren Tvsent iar vnd zwaihvndert vnd fumf vnd ozcige iar