Charter Document - 04000103
| Charter Number: | 04000103 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Bertoldus dei gratia Babenbergensis episcopus uniuersorum notitias prsesentibus declaramus quod nos inclinati precibus dilectorum nobis in Christo Abbatis et conventus monasterii in Wilhering Ordinis Cisterciensis ipsi abbati conventui et monasterio in remedium anime nostre dedimus et assignavimus cum omni jure et utilitate unam piscariam in lacu nostro Attersee que piscaria ain Seegen vulgariter nuncupatur Hoc sane incluso quod predicti pisces nec debent vendi vel ad alios usus converti sed simpliciter administrandi sint fratribus qui diu noctuque Deo in predicto monasterio divinis laudibus famulantur Prenominati etiam fratres et conventus ipsius monasterii in Wilhering nostri jugem habebunt memoriam in eorum orationibus [] et nobis decedentibus ipsi dein anniversarium obitus nostri missarum solemnibus et aliis consuetis orationibus celebrabunt In hujus rei memoriam et ut nostra donatio sit perpetua presentes litteras conscribi et nostro sigillo jussimus insigniri Testes hujus rei sunt dilecti amici nostri Wernhardus et Hainricus nobiles de Schounberch Chunradus Dietricus notarius noster Chunradus Vurter Chunradus Stall Fridericus Ulricus dicti de Chamer Alramus Officialis noster Chunradus Zitman et alii quam plures Datum in Atersee Anno Domini MCCLXXXIV Kal Maji