Charter Document - 04000100
| Charter Number: | 04000100 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1283 |
| Date type: | Internal, A.D., Feast |
| Resource Link(s): |
Monasterium.net |
Charter:
Ne propter hominum labilem memoriam et temporis maliciam pie gesta ducantur in irritum et pereant expedit ea litterali studio et testibus fidelibus roborari Nouerint igitur vniuersi presentem literam inspecturi quod ego Hainricus dictus de Lonstorf cum consensu bono et voluntate perfecta Alhaidis vxoris mee et heredum meorum ob remidium anime mee et piam fratris mei Meinhardi defuncti recordationem dedi et contuli liberaliter donatione perpetua et irreuocabili ecclesie sancte Marie virginis in Wilhering et fratribus ibidem deo strenue seruientibus ius proprietatis attinens michi ex hereditate predecessorum meorum in curia que dicitur Posshoue quam Hainricus ciuis in Lintz cognomine lupus a me possedit hactenus et possidet titulo feodali In cuius rei claram euidentiam et indelebilem memoriam presens eisdem fratribus scriptum tradidi cum sigilli mei robore fideliter conmunitum testibus subnotatis quorum nomina sunt hec frater Otto celerarius frater Waltherus Hainricus de Wuldenstorf Vlricus mutarius Hainricus frater eius Hainricus filius Vlrici mutarii Alramus de Alharting Albero Malchingarius Fridericus seruus eius Hainricus Chogler Chalochus frater eius Marquardus Wenagal Hainricus Horbrunner Alramus Lintzarius Leupoldus Pitzzer et alii quam plures Acta sunt hec anno domini MCCLXXXIII in conuersione sancti Pauli Diese Tradition bestatigt Leutold von Chunring Ego Leutoldus de Chunring Pincerna ducis Austrie presenti scripto publice confiteor et protestor quod Hainricus et O[tto] dicti de Lonstorf fratres ob honorem gloriose virginis Marie precipue et per consequens peticionis mee causa ius proprietatis quod in curia que dicitur Poschhof quam ab ipsis [] Lupus ciuis de Lintza iure feodali possederat actenus habebant et habere videbantur venerabili abbati Wol et conuentui ecclesie beate virginis in Wilhering ordinis Cisterciensis diocesis Patauiensis deuote et liberaliter contulerunt quiete et pacifice supradictam curiam proprietatis titulo absque calumpnia et insultu inpeticionum malorum hominum perpetuo liberaliter possidendam In huius rei darum et efficax testimonium presentem iam dictis fratribus et ecclesie in Wilhering contuli literam ad omnia iuditia ex parte mei si necesse fuerit demonstranda sigilli mei cum testibus munimine fideliter communitam