Charter Document - 04000098
| Charter Number: | 04000098 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1282 |
| Date type: | Internal, A.D., Feast |
| Resource Link(s): |
Monasterium.net |
Charter:
Unicum est oblivionis remedivm scriptura que calumpniis inponit silencivm et contentionis nodum explicans rei geste loquitur ueritatem Ea propter nos Wernhardus et Heinricus fratres de Schovnberch Notum fieri cupimus vniuersis visuris tenorem presentivm presentibus pariter et futuris quod ob honorem gloriose virginis Marie et in remedivm anime patris nostri domini Heinrici felicis memorie possessiones nostras sitas in inferiori Muemenowe videlicet duo feoda et duas areas et vnam aream in superiori Mvmenowe cum omnibus pertinentiis suis agris pratis pascuis et aliis vsibus cultis et incultis quesitis et inquirendis quemadmodum Hvgo de Winchel quondam a nobis habuit iure feodali contulimus et dedimus Ecclesie Sancte Marie virginis in Wilheringen et fratribus ibidem deo famulantibus iusto titulo proprietatis cum omni iure et libertate quo progenitores nostri nobis reliquerant liberaliter et absolute in perpetuum possidendas Et ut uirtutis stimulo in donis nostris crescere videamur relaxauimus et dedimus supradicte ecclesie et antedictis fratribus omne ivs nostrum et seruicium de sex subscriptis areis quod habuimus quarum due site sunt in Hicing due in Tenen vna in Paeschingen et vna in Offtheringe videlicet de qualibet vnam metretam avene et duos pullos et dvos denarios volentes et decernentes ipsas areas ut ceteras dicte sepius ecclesie possessiones esse liberrimas et solutas Vt autem Huiusmodi votiva liberalitatis nostre donatio perpetui roboris obtineat firmitatem presentes literas super ea conscriptas accedente consensu pariter et voluntate iuuenum de Schovnberch Heinrici et Wernhardi dedimus dictis fratribus sigillorum nostrorum roboratas munimine cum testibus subnotatis Sunt autem Testes dominus Levtoldus et Heinricus fratres dicti de Chvnring dominus Chonradus de Svmerowe dominus Vlricus Longus et dominus Vlricus et Chvnradus dicti de Capella dominus Chvnradus de pilhdorf Ministeriales curie fuerunt Chunradus stalo Hertnidus et Rvdolfus de Lihtenwinchel Vlricus et Levtoldus de Mitterberch Lvdwicus Ditricus et Rvdolfus dicti schyver et alii quam plures Datum et actum Anno domini MCCLXXXII In Circumcisione domini