Charter Document - 04000087

Rudolfus dei gratia Romanorum Rex semper Augustus vniuersis presentes literas inspecturis cupimus esse notum quod cum dilecti fideles nostri Wernhardus Otto Pilgrimus et Wuelfingus fratres dicti de Rustpach in nostre maiestatis presentia mouissent questionem religiosis viris Abbati et Conuentui Monasterii in Wilhering super villa in Ekendorf sita iuxta Wachrein tandem accedente auctoritate et consensu nostre Regie rnaiestatis in Nobilem virum Wernhardum de Schavmberch tanquam in arbitrum seu arbitratorem aut amicabilem conpositorem questionem huiusmodi partes conpromittere curauerunt qui assumpto sibi huiusmodi arbitrio prehabita deliberatione prouida tale arbitrium promulgauit quod videlicet predicti fideles nostri fratres de Rustpach cederent seu renuntiarent omni iuri et actioni que sibi conpetebant vel conpetere videbantur in predicta villa Ekendorf et in omnibus suis attinenciis cultis et incultis quesitis et inquirendis seu distractis et infeudatis per eosdem fratres de Rustpach post tempus illud quo supradicti Abbas et conuentus fuerunt in possessione ville superius iam expresse sicut constat eos longo tempore iam fuisse nec eos quos de bonis eidem ville attinentibus infeudauerunt contra iusticiam defensabunt nec se auctores bonorum constituent eorundem promiserunt etiam sepedicti fratres videlicet Otto Wernhardus et Pilgrimus fide data in manus dilecti principis nostri L venerabilis Ratisponensis Episcopi ad hoc a nobis specialiter deputati et abbatis predicti nec non prefati Nobilis Wernhardi de Schavmberch corporali insuper prestito iuramento quod Vlricus Otto et Hedwigis liberi Ottonis qui solus inter ipsos fratres liberos habet postquam ad annos legitimos peruenerint renuntient similiter omni iuri et actioni que sibi ex successione paterna in predicta villa et in omnibus suis attinenciis conpeterent vel conpetere uiderentur Quod si non fecerint extunc iidem fratres Wernhardus videlicet Otto et Pilgrimus moniti per abbatem uel conuentum superius nominatos intrabunt Ciuitatem Wiennensem non exituri abinde donec prefati liberi Ottonis renuntiauerint ut est dictum Si vero predictorum fratrum unus uel plures medio tempore ante factam renunciationem decedere contingeret superstes uel superstites loco decedentis uel decedencium alium uel alios eque ydoneum uel ydoneos tenebuntur subrogare sub prestito iuramento Quod si forte omnes tres decedere contingeret bona eorum prope Weichardsdorf erunt in predictorum Abbatis et Conuentus tamdiu potestate quousque renunciatio per predictos liberos Ottonis facienda perducta fuerit ad effectum In reconpensationem quoque eiusdem renunciationis facte et adhuc faciende et ut memorati abbas et conuentus de Wilhering in posterum pacifica possessione in predicta villa et suis attinenciis gaudeat et quieta nec in ea per predictos fratres aliquatenus perturbentur iidem abbas et conuentus L libras denariorurn Wiennensium sepedictis fratribus ex huiusmodi arbitrio persoluerunt Et ut presens arbitrium a predictis fidelibus nostris fratribus de Rustpach inuiolabiliter obseruetur ipsum auctoritate nostre maiestatis Regie confirmamus et sigilli nostri appensione roboramus Huius rei testes sunt dilectus princeps noster Leo Ratisponensis Episcopus Wernhardus et Heinricus fratres Nobiles de Schavmberch Wichardus de Pollnhaim Vlricus de Lobenstein Hertnidus de Travn Otto de Voltkensdorf Albero Pvechhaimer Wernhardus Dachsperger Ludwicus Schiuer Vlricus iudex de Lintz Vlricus Mvotarius de Lintz Heinricus Notarius de Schaumberch Acta sunt hec Wienne Anno domini millesimo ducentesimo septuagesimo septimo X kalendas Maii Indictione Quinta Regni nostri Anno quarto