Charter Document - 04000068
| Charter Number: | 04000068 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | |
| Date: | 1260 |
| Date type: | Assigned |
| Resource Link(s): |
Monasterium.net |
Charter:
Reuerendo in Christo patri et domino [] abbati Cysterciensi totique conuentui ordinis eiusdem W de Rosenberch Marscalcus Boemie sinceram et paratam ad obsequia uoluntatem Habentes in desiderio pro nostra nostrorumque progenitorum et successorum salute et remedio animarum abbatiam uestri ordinis construere et fundare discretioni uestre significamus quod inuocata sancti spiritus gratia presente venerabili abbate et quibusdam fratribus de ylaria de consensu et expressa uoluntate coniugis nostre et aliorum amicorum nostrorum ad hoc locum distinximus satis aptum uolentes eum predicto abbati de ylaria et eius ecclesie tanquam matri filiam in perpetuum obedire dotauimus etiam locum supradictum reditibus sexaginta talenta plene persoluentibus anuuatim addentes duas uineas cum piscationibus pascuis et nemoribus spatiosis in proposito tenentes de die in diem pro nostra possibilitate eosdem redditus augmentare Quare deuotionem uestram petimus studiose quatenus antedictum locum uestro ordini incorporare dignemini propter deum