Charter Document - 04000067
| Charter Number: | 04000067 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1260 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
Nos Otto dei gratia ecclesie Patauiensis Episcopus Notum facimus uniuersis quod ad petitionem fidelis nostri Leutoldi Pruschinch et propter deum principaliter decimam vnius Curie in Edramsperge site sub monte quam idem Leutoldus ab Ottone de Trvna et Otto de Trvna a nobis in feudo habuit ad utriusque resignationem Ecclesie sancte Marie in Wilhering dedimus perpetuo possidendam ita quod predictus Leutoldus quoddam predium suum in Chirchsteten Ecclesie nostre pro dicta decima dedit in proprium quod annuatim medium talentum denariorum persoluit quod et nos predicto Ottoni uersa uice contulimus et Leutoldus illud ab ipso recepit titulo feudali In cuius rei testimonium presentem litteram nostro et Capituli nostri sigillis conmuniri fecimus cum testibus subnotatis qui sunt hii Meingotus tumprepositus Poppo decanus Heinricus de Haidendorf thesaurarius Irenfridus decanus Chremsensis Magister Hertwicus Otto cantor canonici Patauienses Vlricus de Lonsdorf et Siboto frater suus Chunradus et Heinricus fratres de Hartheim Bertholdus de Heidendorf Pilgrimus de Tannberch et alii quam plures Datum Patauie anno domini Millesimo CCLX decimo septimo Kalendas Septembris Pontificatus nostri anno septimo