Charter Document - 04000066
| Charter Number: | 04000066 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 |
| Date type: | Assigned |
| Resource Link(s): |
Monasterium.net |
Charter:
Quum more fluentis aque labimur vniuersi Hinc est quod ego Syghardus dictus Piber notum fieri cupio tam presentibus quam futuris duas curias vnam in hoflin Alteram in zeueratingin sitas quas michi Heinricus de salhinberc pro XLVII talentis obligauit me cum dicta pecunia sancte Marie in Wilhering et fratribus deo famulantibus ibidem de consensu vxoris mee et liberorum meorum liberaliter contulisse ob anime mee salutem perpetuam conparandam tali condicione vt si memoratas curias trahere in meos vsus quiuero per reconpensacionem quam idem de Salhinberc requisiuit eas domus in Wilheringin libere possideat et quiete Si sepe dictas curias penitus absoluere non valuero pecuniam XLVII librarum Wiennensis monete per collacionem meam ad domum in Wilheringin pro conparacione alterius possessionis cognoscatur absolute et libere pertinere ut post obitum meum et vxoris mee de pecunia predicta conuentui singulis annis plenum seruicium in pane albo vino et piscibus persoluatur in anniuersario vtrivsque Ne igitur aliqua conuentui in Wilheringi super rnemorata donacione oriatur questio presentem scedulam conscriptam sigilli nostri ei feci munimine roborari cum testibus subnotatis Wernhardo de Schauwinberc Wernhardo de Bossibach Friderico de Beira Sighardo Gnus Heinrico de schalinberc Liutoldo Breusinch Hertnido Dapifero de schauwinberc et aliis multis