Charter Document - 04000055
| Charter Number: | 04000055 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 |
| Date type: | Internal, A.D. |
| Resource Link(s): |
Monasterium.net |
Charter:
Omnibus presentem paginam inspecturis tam presentibus quam futuris innotescat quod ego Hertnidus filius Leutoldi quondam dapiferi de showenberc pie memorie predium in rudlihcing et predium Gmeinholz super altare beate Marie uirginis in Wilhering donaui pro remedio anime mee et omnium predecessorum meorum ita quod post decessum ad zenobium predictum pertineant libere et absolute me uero uiuente in meis usibus tenebo Et sciendum est quod predicta duo predia conparaui eo tempore cum nullum habui heredem Insuper ego Chunradus de furt etiam presentium tenore uniuersis constare cupio quod ego predium unum in michelpahc etiam super altare beate uirginis in wilhering donaui post obitum meum usibus predicti cenobii cedendum me uero uiuente in meis usibus seruabo Et ne huic facto et donationi lis in posterum suboriatur presentem cedulam sigillo dominorum nostrorum Nobilium de showenberc fecimus conmuniri Huius rei testes sunt Leutoldus filius dapiferi Hertwicus de haekking Chunradus de owe Ludwicus shiuer et Vlricus frater suus Chunradus de strahen et Ludwicus frater suus Eberhardus shriaer et Leutoldus frater suus et Pertoldus scriba Acta sunt hec anno domini MCCL