Charter Document - 04000053
| Charter Number: | 04000053 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | |
| Date: | 1250 |
| Date type: | Assigned |
| Resource Link(s): |
Monasterium.net |
Charter:
Nouerint vniuersi tam presentes quam futuri quod ego Arnoldus Piber nominatus cum vxore fratris mei Hainrici pie memorie domina Jevta et liberis eius in reconpensationem dampni ecclesie in Wilhering illati et in remedium predicti fratris mei H uiam vniuerse carnis ingressi et omnium progenitorum nostrorum et successorum nostrorum simulque omnium nostrorum predia duo que wlgo nominantur daz der aiche et secundum daz der Linden et curiam grenssenperge manu potestatiua iure proprietatis contulimus perpetuo possidenda hac subnexa conditione vt annis singulis dies obitus sui ita celebretur ut conuentui per panem album et vinum sollempniter seruiatur et quicunque ex nobis siue ex nostris debitum carnis exsoluens ad locum predictum siue monasterium quocunque periculo rationabili et euidenti impeditus portari non poterit ab ecclesia sepe dicta si caute fieri poterit ibidem sepeliendus deportetur Et ut talis facta donatio et nobis data conpromissa rata maneat et inconuulsa eam sigilli nostri roboramine duximus confirmandam Huius rei testes sunt hii Wernhardus de rotenvelse cum fratre suo C[hunrado] et Weikardus grvonenpech nomine Cholo de Perndorf cum fratre suo Chunrado Eberhardus de Tobel Otto et Ortolfus de Wilheringe