Charter Document - 04000044
| Charter Number: | 04000044 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nouerint tam futuri quam presentes huius littere inspectores quod ego Sigehardus cognomento castor venerabili domino Chunrado abbati in Wilhering suoque conuentui pro dampnis dicte ecclesie per me illatis cum reconpensatione predii siti in Waldensteine quod annis singulis I talentum soluit coram testibus satisfeci cum abdicatione quod vulgo dicitur vurzhit fratrum meorum Rvdegeri scilicet et Gozwini [consensu] Verum cum ipsum predium in presentiarum predicte ecclesie non possem libere assignare eo quod pro XII solidis sit obligatum per decimam meam in Lintheim et in Curia Rothele talem prefate ecclesie cautionem feci vt si ante festum sancti Jacobi proxime iam venturum predictum per me predium non solutum plane [fuerit] de predictis meis decimis solui debeatur hoc adiecto ut seruicia etiam tam anni preteriti quam presentis de fructibus sepe dicte decime domino abbati cedant Vt igitur huius conpositionis pactum ratum permaneat atque firmum presentem cartulam exinde conscriptam sigilli proprii appensione cum appositione sigilli ciuium in Linzee et subscriptione testium conmuniui Testes de Conuentu in Wilhering Musco prior Galfridus cellerarius Cvnradus subcellerarius Galfridus portarius Anselmus Albertus De ciuibus in Linzhe Hermannus judex senior Marchwardus filius suus Vlricus Mutarius Heinricus Garzhon Bernhardus Ruchlose Cvnradus vf dem Graben Cvnradus Wachreiner Cvnradus thelonearius et alii quam plures Datum kalendis Martii anno domini MCCXLII