Charter Document - 04000038
| Charter Number: | 04000038 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1237 |
| Date type: | Assigned |
| Resource Link(s): |
Monasterium.net |
Charter:
Fridericus dei gratia Romanorum Imperator semper Augustus Jerusalem et Sicilie rex Alberoni de Pollenhaim iudici prouinciali fideli suo gratiam suam et omne bonum Supplicarunt culmini nostro venerabilis abbas et conuentus de Wilaringen Cisterciensis ordinis fideles nostri ut ipsos et vniuersa bona sua que legitime pertinent ecclesie memorate defensioni tue committere teque super iustis eorum querimoniis eisdem iudicem concedere dignaremur Nos itaque in fauorem ordinis dictorum abbatis et conuentus supplicationibus fauorabiliter inclinati predictos abbatem et conuentum nec non vniuersa bona sua que mero iure pertinent ecclesie prenotate defensioni tue committere teque eis iudicem in eorum iustis querimoniis duximus concedendum Quare fidelitati tue mandamus firmiter precipientes quatenus predictos abbatem et conuentum in bonis ecclesie sue legitime spectantibus auctoritate nostri culminis contra vniuersos iniuriatores suos manuteneas et defendas super iustis eorum querimoniis ipsis nihilominus faciens iustitie complementum nec ratione defensionis uel ratione iudicii aliquid exigas ab eisdem sed tanquam pietatis nostre fidelis et sincerus executor dictis fratribus super bonis et eorum iuribus sic prouideas ex parte nostra ut a nullo indebite molestentur Datum apud Wiennam xx Februarii x Indictione