Charter Document - 04000021
| Charter Number: | 04000021 |
|---|---|
| Cartulary Title: | Wilhering, Stiftsarchiv |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1197 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis Fridericus dei gratia dux austrie omnibus in christo fidelibus salutem in perpetuum Nouerint uniuersi tam presentes quam futuri quod pater noster beate memorie dux Liupoldus pro anime sue remedio ecclesie in Willeheringen et fratribus donauit ut bona eiusdem ecclesie ubique in terra sua aput thelonearios suos liberum absque omni iuris persolutione haberent transitum Nos etiam eiusdem salutis quam in hoc et in aliis benefactis suis promereri sperauit participes effici cupientes supradicte ecclesie hoc ipsum pro peregrinationis nostre prosperitate donamus et ipsam eadem beniuolentia et fauore quem pater noster circa ipsam intendere proposuerat fouere intendimus Insuper eidem ecclesie in predio Alberonis de cemlevbe quod ipsi ecclesie donauit omne ius nostrum in annona que dicitur marchfuter contulimus Vt autem hec nostra donatio inposterum inuiolata permaneat presentem paginam scribi sigillique nostri inpressione subscriptioneque testium quoram nomina sunt hec roborari fecimus Wernherus de griezpach Chrafto de Amzinpach Otto de ramensperch Hartwicus ratisponensis aduocatus Rudolfus stubich Volricus de chunegesprunnen Aloldus dapifer Albero marscalcus Meingotus camerarius Pilgerinus de swarcenowe et frater eius Chalhous de mulbach Rudegerus de senftenberc Hadmarus de chunringen Irnfridus de gnanendorf Volricus strune Chalhovs de tulbingen Datum aput Salchenowe per manus Volrici notarii Anno incarnationis dominice MCLXXXXVII VI Kalendas Maii