Charter Document - 04000003

Geraldus Dei gratia Abbas in Buna vocatus omnibus eujuscunque dignitatis conditionis professionis fidelibus Illuminatos fidei oculos more publico utentes rem memoria dignam in presentiarum scripto mandamus ut ex hoc fidei ac devotionis incitamentum generationi omni que ventura est transmittamus Duo siquidem nobiles viri fratres Vdalricus videlicet et Cholo de Wilheringen etsi seculi actibus impliciti seculo tamen renuntiantium meritis aliquatenus participare exoptantes annuente matre sua nobili matrona nomine Ottilia itemque sorore sua Elyzabeth nomine pro peccatorum suorum remissione et eterna animarum absolutione aliquam patrimonii sui partem id est Castrum ipsum jam ante memoratum Wilheringen cum adjacentibus circumquaque terminis cultis et incultis quesitis et inquirendis cum agris vineis pascuis siluis pratis piscateriis aquis aquarumque decursibus cum omni denique utilitate que in predio illo vel ad presens inerat vel in posterum industria quavis elici poterit Deo et Beate semper Virgini Marie offerendo delegantes nostre manui vice et tali pacto extradiderunt eundem locum in Abbatiam Cisterciensis discipline regulariter ordinantes [ut] abbatem ibi monachorumque conventum ex nostro id est Runensi Cenobio statueremus et eandem deinceps ecclesiam velut ex corpore Runensis ecclesie propagatam loco filie a nobis ac successoribus nostris paterna pietate fovendam atque ad regularis tramitem conversationis nostra providentia dirigendam contineremus Cum igitur consilio et hortatu simulque auxilio Reverendi patris nostri D Ade Ebracensis abbatis nobilium personarum votive petitioni annuissemus ac juxta Cisterciensis Ordinis tenorem circa locum omnia rite disposuissemus unus Fundatorum Dominus scilicet Udalricus vita decessit fratre suo Cholone superstite qui et ipse cum postmodum egrotans decumberet tam sue quam fraterne salutis nec non et uxoris defuncte memor loci possessionem applicare curavit Nos igitur dubios eventus formidantes et pro filiorum quiete curam gerentes una cum sepe dicto Cholone fundatore consilium habuimus locum ipsum alicui ecclesiastice dignitatis persone comittere cui videlicet et auctoritas adesset ad protegendum in adversitate et larga benignitas inesset ad supplendam temporalium subsidiorum defectionem In utramque ergo hanc rem ex omnibus qui animo occurrebant pari voto eademque sententia nobis complacuit Babenbergensis Cathedre sessorem eligere ipsius advocatie ac tuitioni monasterium illud cum omnibus possessionibus vel tunc temporis illuc pertinentibus vel in posterum justo quolibet modo eidem accedentibus quas vel liberi Fundatores libere omnimodaque libertate possidendas tradiderunt seu fideles quaque ex donatione contulerant commendare Hujus sane traditionis nostre susceptor ac spei fautor benignusque promissor Venerandus Babenbergensis ecclesie Presul Dominus Eberhardus exstitit quo die et filiam ejusdem Cholonis infantulam patre commendante suscepit Ut ergo facti hujus veritas cunctis in futurum temporibus illibata permaneat paginam hanc de hoc conscribi ac sigilli nostri fecimus impressione muniri testesque ascitos in utriusque dati confirmationem propriis nominibus annotari Friderich de Hunesberg et alii quam plures Acta sunt hec anno incarnationis dominice MCXLVI Indict VIII Apostolice sedis Pontificante Eugenio Papa regnante domino Chunrado III Romanorum Rege