Charter Document - 03980170

Nos Wernhardus dei gracia Ecclesie Patauiensis Episcopus presentibus confitemur Et constare volumus vniversis in perpetuum presencia inspecturis quod constitutus nobiscum venerabilis in Christo Frater dominus Ainwicus prepositus Ecclesie de sancto floriano nostre dyocesis suo et Conuentus sui nomine proposuit coram nobis quod licet felicis Recordationis dominus Chunradus predecessor noster quondam venerabilis Patauiensis Episcopus accedente benigno consensu Capituli sui perrochialem Ecclesiam ad sanctum Michahelem in Bacchav nostre dyocesis Ecclesie de sancto floriano tradiderit pleno iure disponendam cum omnibus suis pertinenciis cultis et incultis quesitis et inquisitis cum terminis et decimis et omni genere vtilitatis sic etiam vt prepositus de saneto floriano plenam potestatem haberet vnum de fratribus suis ibidem ponendi et inutilem remouendi et vtilem substituendi quociens iuste necessitatis racio persuaderet sicut in priuilegio memorati domini Chunradi Patauiensis Episcopi predecessoris nostri inde confecto quod vidimus et legimus plenius continetur Idem tamen prepositus Et Conuentus de sancto floriano per actum contrarium presentando scilicet Ad Ecclesiam ad sanctum Michahelem clericos seculares dicto priuilegio et concessa sibi gracia inprouide sunt abusi non tamen conpleta cucurrit prescriptio contra eos Petiuit igitur humiliter quatinus non obstante interruptione possessionis sev prescriptionis huiusmodi ipsos ad ius dicti priuilegii restituere dictumque priuilegium eisdem innouare et recognoscere dignaremur Nos itaque adtendentes quod Ecclesias in nostra dyocesi confouere in suis iuribus et earem indempnitatibus precauere tenemur Et aduertentes quod Ecclesia de saneto floriano propter inportabilia hospitalitatis onera que in ea cottidie non quiescunt specialiter eget nostre releuationis presidio adiuuari Ecce ipsam Ecclesiam de sancto floriano iuxta peticionem sui prepositi memorati ad omne ius quod eidem conpetit sev conpeciit ab antiquo ex virtute priuilegii prefati domini Chunradi Patauiensis Episcopi prout superius est expressum de benigno venerabilis Capituli nostri consensu restituimus dictumque priuilegium innouamus de certa sciencia et recognoscimus in hiis scriptis non obstante quod ipsi prepositus et Conuentus ex presentatione aliquarum personarum secularium dicto priuilegio sunt abusi addentes insuper de gracia speciali vt prepositus de sancto floriano qui pro tempore fuerit optionem habeat instituendi et destituendi in ecclesia ad sanctum Michahelem indistincte spiritualem personam sui ordinis vel secularem quando et quociens pro necessitate temporis et qualitate personarum viderit expedire ita quod ex personarum huiusmodi alternatione et mutatione ipsis in iure suo nullum preiudicium generetur hoc cauto vt siue claustralis siue secularis persona regat Ecclesiam antedictam illi talis constituatur porcio prebendalis quod decentem hospitalitatem seruare onera papalia Episcopalia et alias canonica supportare Synodos Episcopales Conuentus Archydyaconorum et decanorum modo debito valeat frequentare In cuius rei testimonium ad perpetuam memoriam presentes dedimus literas nostro Et Capituli nostri sigillis conmunitas Testes sunt venerabiles domini Gotfridus prepositus wolfkerus decanus vlricus de Styria Meingotus de Waldek Magister Engelscalcus wernhardus de Sekouia Pilgrimus de Capella Livtoldus de Schovnberch witigo de Lobenstein Heinricus de Goldnicz Schahtlanus de Haslav canonici Ecclesie nostre vlricus helnwicus Marquardus Capellani Otto Ludwicus notarii Curie nostre Datum et Actum Patavie Anno domini Millesimo ducentesimo Nonagesimo Nono Quinto decimo kalendas februarii