Charter Document - 03980165

Digne Mortalium quilibet creatorem suum a quo bona temporalia vt a summo collatori profluunt et eterna elemosinarum largicionibus ac aliis pietatis operibus in presenti respicit et cognoscit vt ab ipso in futuro quando cuiuis que premisit suffragantur merita misericorditer cognoscatur Proinde ad cunctorum christi fidelium noticiam transeat per hec scripta quod ego henricus filius quondam domini Ortolfi de volchenstorf adhuc sanus et incolumis habita deliberacione matura nec non vxoris mee domine Margarete ac fratris mei hertnidi et omnium meorum heredum et consangwineorum accedente consensu legaui ad altare corporis christi in Monasterio sancti Floriani constitvtum pro remedio animarum nostrarum et parentum nostrorum nouem solidorum redditus super duobus prediis vno in Grillenperg altero in Pirichech sitis condicione huiusmodi subinclusa vt videlicet custos ibidem qui pro tempore fuerit cuius prouisioni dicta predia sunt subiecta in eodem altari omni quinta feria perpetuo missam de corpore Christi pro salute animarum nostrarum et progenitorum nostrorum per se uel per alium celebrari procuret cum nocturno lumine ibidem noctibus singulis perpetuo duraturo Sacerdos etiam dictam missam celebrans ad quamlibet iii denarios percipiat de prouentibus supradictis Hec igitur ordinacio mea si per negligenciam non obstante aliquo legitimo impedimento fuerit pretermissa nec post ternam ammonicionem heredum meorum fuerit emendata senior de heredibus meis uel proximus consanguineus de prescriptis possessionibus tanto se tempore intromittet donec ea que neglecta sunt reuocata fuerint et correcta Facta autem emendacione hic qui pretextu omissionis huiusmodi sibi premissas possessiones vendicauerat nichil vlterius habebit disponere cum eisdem Verum si ductus amore prediorum ad restitucionem se difficilem reddiderit eorundem super rehabicione ipsorum Conuentus aduocati sui auxilium inuocabit Et ne super huiusmodi donacione mea iam dicta Ecclesia sancti Floriani columpniam ab heredibus uel consanguineis meis in posterum paciatur presentem literam eis dedi sigilli mei munimine roboratam Testibus annotatis qui sunt domini Chunradus de Capella henricus de Lonstorf Rudigerus de huett hespinus de hag milites Albertus wolfstain Meinhardus de Sintzenperg Otto de perchaim vlricus chraier herwordus Chremstoffer et plures alii qui eidem facto interfuerunt audiuerunt pariter et viderunt Acta sunt hec Anno domini MCCLXXXXVII in festo ascensionis domini